Matthew 20:8 - Patamuna New Testament Revised

⁸ “Pata uko'mansak yau, umà yesak uya tùwe'wotokomasan yennài pàk, ‘Tùwe'wotokomasan ikà'makà molopai tok ye'makà, àkàmlà'nokon nùssan winàpai tùpyattàse molopai wapiyalok kon nùssan motak iwenukattoppe,’ teppù.

Matthew 20:8 Iomraidhean Croise

Matthew 20:7

‘Ànù'là uya ina yekamapposak ina we'wotokomatoppe pùla iwechi pàk,’ tukaik tok uya yeikuppù. ‘Itàtàk kon nàlà e'wotokomase u'mà yak,’ teppù ya tok pàk.

Matthew 20:9

Kàyik yamùk wei wewomù winàkàik tùwe'wotokoma kon pàk iwessa'molùkasak kon ye'mappù màlà tewin chilùpa pun ke.

Matthew 25:19

“Tachin pe tùpo apyoto ton yepulu wennappoppù, molopai tok pokonpe yà'là kaichalà là kolù pun tùlùppù tùuya ittu pàk iwekkupùpù.

Matthew 25:31

“Kàyik Mumu uyàssak tapulàtok yau tùyinchelùyi yamùk pokonpe yau, chichiu pe iwechi màlà akkwa wakù tapon po.

Luke 10:7

Molo màlà tapùi tau mettàik, tok uya elepatok kon mànattàik molopai minchitàik masapùla tùwe'wotokomasen mùkkàlà te'masen. Katamapàttàu tewinan tapùi tapai tùulon tapùi tak.

Luke 12:42

Itepulu uya yeikuppù, “Ànùk ken uchi mùkkàlà ailon molopai pukkek apyoto? Mùkkàlà Itepulu nùnonka tapùi yesappe, tapyoto yamùk lepatoppe ya tok yeipa ke itùtok yattai.

Luke 8:3

Joanna, Chuza noppù, Herod patassek yau tùwe'wotokomasen, Susanna molopai tukke tùulon kon utàppù nàlà. Pùsamlo nossan yamùk, Jesus molopai ya'lon kon yamùk pùikattàn nan nùssan tok yapluli pàk utàppù màlà ya'là.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

Titus 1:7

Masapùla Katù wotokoyi yesappe iwechi pàk, sochi yennài wechi màlà ikasa pùla là tùwemassen pe pùla. Yà'làlà ànkuppaino tùyiwalà teselu yau pe pùla iwechi màlà, wapùla asse'ne tùwe'naikasen pe pùla, wapùla tùwetùnsen pe pùla, wapùla àsà pe pùla, wapùla pùlayatta pàk tùuseka'nonkasen pe pùla.

1 Peter 4:10

Tàwà tamù'nawolon kon tùlepatok tùnepoloppù kon Katù winàpai yapulài tùtonpa kon pùikattàtok tùuya'nokon iwinà pe, wakù ton Katù uya lepantok tùpatalà'ne nai'nùk yesappe.