Matthew 2:4 - Patamuna New Testament Revised

⁴ paatele yamùk yepulu ton molopai enupannan Law pàk kà'mappù ya màlà tamùkke molopai tok yekamappoppù ya, “I'nai là ken uchi mùkkàlà Christ wentutok woton?” tukaik.

Matthew 2:4 Iomraidhean Croise

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

Matthew 2:3

Sàlà yetasak tùuya yau, Kin Herod, utaimelunpasak wechippù màlà, tamù'nawolon kon Jerusalem pon kon pokonpe.

Matthew 2:5

“Pata Bethlehem yau Judea po,” tukaik tok uya yeikuppù. “Sàlàichi màlà Katù Maimu yenpoikanài nùmenukappù.

Matthew 21:15

Eke ton paatele yamùk yepulu molopai Law pàk enupannan we'naikappù màlà, wakù ton kupù ya yensak tùuya'nokon yau, molopai mule yamùk wentaimepàtù Katù yùwùk tau, “David Mumu yapulàtàk!” tukaik pàk.

Matthew 21:23

Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Matthew 26:3

Màlàyau eke ton paatele yamùk molopai tùnamasan eke ton Jew yamùk wessepoloppù màlà tamùkke Caiaphas Eke kulu paatele patassek yak.

Matthew 26:47

Tùuselupa pàk lùppù Jesus wechi tùse, Judas Iscariot, 12 pan kon ya'lon kon tonpa welepamùppù. Tukkan kon kappon yamùk wechippù ya'là, asa'lon yà kasupala molopai taikek tawon wechippù tok yemyau. Pùsamlo wechippù màlà eke ton paatele yamùk yepulu ton, molopai tùnamasan Jew yamùk neunokossan pe.

Matthew 27:1

Ko'làma kulu tamù'nawolon kon paatele yamùk molopai tùnamasan Jew yamùk uya yà'là pe là Jesus kuttok tùuya'nokon konekappù, iwàtoppe.

Matthew 7:29

Tok yenupan nan Law pàk kasa pùla iwechippù màlà. Tùse làkku kappon yamùk yenupappù ya apàikkek pe.

Mark 8:31

Jesus wepyattàppù tùnenupa ton yenupa pàk, “Kàyik Mumu talumattàtok woton àsà pe. Tùnamasan itepulu yamùk, paatele yamùk yepulu yamùk, molopai Law pàk enupanài nan uya italumayippù pe inonkatok woton. Iwàtok woton, tùse iwe'wuluukatok woton àsolùwau wei tùpo,” tukaik.

Luke 20:19

Law pàk enupannan molopai paatele yamùk yepulu ton wechippù màlà Jesus anachipai. Masapùla sàlà panton yekamasak ya tùwinàkài'nokon ittusak tùuya'nokon pàk, tùse tok usenalipappù kappon yamùk pàk.

Luke 23:10

paatele yamùk yepulu ton molopai Law pàk enupannan wechippù molo sattippe, molopai àli pe tok uselupappù Jesus winàkàik, italumattà pe.

John 18:3

Màlàyau Judas uyàpùppù umà yak sousa yamùk molopai paatele yamùk yennàinan molopai Pharisee yamùk neunokossan nepùppù ya. Tepu pàk apok yalàppù tok uya, lanppu yamùk molopai kasupala yamùk là.

John 3:10

Jesus uya imaimu yeikuppù, “Àmàlà mùkkàlà Israel yamùk yenupanài, tùse ken na' uchi sàlà ittu auya pùla nai?” tukaik.

John 7:32

Màlàyau Pharisee yamùk uya kappon yamùk usàulàma ipàk yetappù. Màlà yattai Eke ton paatele yamùk yepulu ton molopai Pharisee yamùk uya achinnan yeunokoppù yachiik.

John 8:3

Law pàk enupannan molopai Pharisee yamùk uya nossan tùtayappù pen pokonpe iwessak lùppù nepùppù. Tok uya ichalattàppù tamù'nawolon kon yemloto pona.

Yeunossak kon Wotokoyi 23:9

Màlàpàk wentaimepà'nàtok wenappù eke peiwa, molopai Law pàk enupannan tonpa yamùk, Pharisee yamùk tonpa we'wuluukappù molopai tok yekamappoppù ya meluntà pe. “Iwalai pen yepolo kùuya'nokon pùla man pùsàlà kàyik yau! Yattai pùla Akkwalù wapùla Inchelù uselupappù pe iwechi màlà ipokonpe!” tukaik.

Yeunossak kon Wotokoyi 4:5

Iwemassak pe Jew yamùk yepulu yamùk, Eke ton, molopai Law pàk enupannan wepilipùppù Jerusalem pona.

Yeunossak kon Wotokoyi 6:12

Sàlà kasa tok uya kappon yamùk, Jew yamùk Eke ton, molopai Law pàk enupannan sakolopappù. Tok uyàpùppù Stephen piyak molopai tok uya yachippù molopai inepùppù tok uya Jew yamùk Yepulu ton yemloto pona.