Matthew 15:11 - Patamuna New Testament Revised

¹¹ Màlà kappon mùtak tùutàsen màlà àli pe iku'nài pen. Tùse làkku, màlà intapai nepakkayai'nùk màlà àli pe iku'nài,” teppù ya.

Matthew 15:11 Iomraidhean Croise

Matthew 15:10

Màlàyau Jesus uya tukkan kon kappon yamùk kà'mappù tùpyak molopai tok pàk, “Yetatàk kon uchi, molopai ittutàk kon!

Matthew 15:12

Màlàyau Jesus ya'lon kon uyàpùppù ipyak molopai, “Pharisee yamùk wakùlipe pùla na' euselupasak mùttuyan?” teppù tok uya.

Mark 7:15

“Yà'làlà newonyai'nàk ayak àli pe àkupù woton pùla iwechi màlà. Tùse ayapai neken nepakkayai'nùk màlà àli pe àku'nài,” teppù Jesus uya tok pàk.

Romans 14:14

Itepulu Christ ponaloppe wechi yawàlà tùttuyaik kulu yà'làlà tùnassen wapùla tansen wechi àli pe là pùla. Tùse kappon uya àli te ipàk yau, àli pe iwechi màlà ipona.

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Romans 14:20

Kùyali pàkànsau Katù wotokoyi kù'mattanùttàu. Tamù'nawolon kùyali wechi màlà wakù pe, tùse yà'làlà napù tùulon kappon kupù woton iwekkawai'matoppe àli yak wechi màlà ikasa pùla.

1 Timothy 4:3

Mùkyamlo walai non kappon yamùk uya enupan màlà, wemali'man wechi màlà ikasa pùla molopai yà'là yekkwa là kùyali màlà tùnassen pen, tukaik. Tùse Katù uya màlà sàlà yamùk kùyali konekappù ailon tawonnan molopai ailon ittunnan nùnapù pe tenki tukaik.

Titus 1:15

Tamù'nawolon màlà wakù esukenan, mùkyamlo esukenan kon pona; tùse yà'làlà wechi màlà esuken pùla mùkyamlo àli pe iwenasak kon pona molopai ailon tawonnan pen pona, masapùla tok usenumenkatok wenasak màlà àli pe molopai tok usenumenkatok yaimelunpa àli, tok nùkupùppù uya pàk.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.