Matthew 15:1 - Patamuna New Testament Revised

¹ Màlàyau Pharisee yamùk tonpa yamùk molopai enupannan Law pàk, uyàpùppù màlà Jesus piyak Jerusalem poi molopai tok uya yekamappoppù.

Matthew 15:1 Iomraidhean Croise

Matthew 23:2

“Enupannan Law pàk, molopai Pharisee yamùk kussak màlà Moses Law yekamannan pe,” teppù ya.

Matthew 5:20

Tekamayaik àpàkù'nokon Pharisee yamùk molopai Law pàk enupannan yentai ikasa lùiwa pùla ewechi kon yau, itepulu pe we'nàtok epùn po yak ewewomù kon pen màlà,” teppù Jesus uya.

Mark 3:22

Tùse Law pàk enupannan Jerusalem poi iyàsssak kon uya, “Beelzebul wechi màlà yau! Àliton akkwalù yamùk yepulu, Settan uya imeluntàlùttà màlà tok yenpakka toppe ya,” teppù.

Luke 5:17

Tewin wei yattai Jesus wechi enupan pàk tùse, Pharisee yamùk molopai Law pàk enupan nan wechippù chichiu pe mei kulu pùla, tamù'nawolon pata Galilee molopai Judea tawon yailà pai iyàssak kon, molopai Jerusalem poi iyàssak kon. Wakù Akkwalù meluntàlù wechippù molo Jesus piyàu e'nek ton ipittà toppe ya.

Luke 5:21

Law pàk enupannan molopai Pharisee yamùk tawonnan wepyattàppù tùuselupa kon pàk tùyiwalà'nokon. “Ànùk ken pùsàlà kàyik Katù winàkàik nùselupayai'nùk sàlà kasa? Ànù'là tùusentupasen pùn àli kuttok pàk, tùse Katù neken!” tukaik.

Luke 5:30

Tùulon kon Pharisee yamùk molopai Law pàk enupannan yamùk usàulàmappù Jesus ya'lon kon pàk. “Yà'là pe iwechi pàk auta'lettà kon màlà pùlayatta pili'nài nan pokonpe molopai àli ton pokonpe?” tukaik.

John 1:19

Sàlà màlà John nekamappù Jew yamùk Jerusalem pon kon uya paatele yamùk molopai Levi payan yamùk yeunossak ànùk pe là John wechi yekamappose yattai.

Yeunossak kon Wotokoyi 23:9

Màlàpàk wentaimepà'nàtok wenappù eke peiwa, molopai Law pàk enupannan tonpa yamùk, Pharisee yamùk tonpa we'wuluukappù molopai tok yekamappoppù ya meluntà pe. “Iwalai pen yepolo kùuya'nokon pùla man pùsàlà kàyik yau! Yattai pùla Akkwalù wapùla Inchelù uselupappù pe iwechi màlà ipokonpe!” tukaik.

Yeunossak kon Wotokoyi 25:7

Paul welepansak yau, Jew yamùk iyàssak kon Jerusalem poi wechippù satippe iwoi molopai tok wepyattàppù àli pe kulu italumattà pe tùuselupa kon pàk ipàk, tùse yà'là kasa là ailon pe yekamatok tok uya pùla iwechippù.