Matthew 14:5 - Patamuna New Testament Revised

⁵ Herod wechippù màlà John ànwàpai, tùse iichenalippappù màlà Jew yamùk pàk, masapùla Katù Maimu yenpoikanài pe tok uya ittu pàk.

Matthew 14:5 Iomraidhean Croise

Matthew 11:9

Yekamatàk kon upàk, yà'là yense ken mùtàtantàu? Katù Maimu yenpoikanài? Ewaik, àpàkù'nokon tekamayaik, Katù Maimu yenpoikanài yentaino mentantàu.

Matthew 21:26

“Tùse, ‘Kappon winàpai iyàssak màlà,’ te'nokon yau, usenalippan man yà'là là kupù kappon yamùk uya kùwinàkà'nokon pàk, masapùla tamù'nawàlà tok uya ailon tesak màlà John wechi Katù Maimu yenpoikanài pe pàk,” teppù tok uya.

Matthew 21:32

Masapùla John Enpataukanài uyàpùppù màlà apyakù'nokon iwalai asanta yekamase, molopai ailon te auya'nokon pùn. Tùse pùlayatta pili'nàinan molopai kàyik yamùk yemyak tùwechilanmasan uya ailon teppù ipàk. Sàlà yene tùpo'nokon nànen eusenumenkatok kon mùyakanma auya'nokon pùn, molopai ailon te auya'nokon pùn,” teppù Jesus uya.

Luke 20:6

Tùse, ‘Kappon winàpai iyàpùppù,’ te'nokon yau, pùsamo tukkan kon kappon yamùk talà nai'nan nùk uya kùwànà kon tàk ke, masapùla John wechi Katù Maimu yenpoikanài pe pàk ailon tesak tùuya'nokon pàk,” teppù tok uya.

Yeunossak kon Wotokoyi 4:21

Jew yamùk Yepulu ton uya tok yekamappoppù meluntà peiwa, tok uselupa Jesus yesek pàk tukaik. Màlàyau tok nonkappù tok uya. Tok uya tok talumattàtok tùuya'nokon woton yepolo pùla iwechippù, masapùla kappon yamùk uya Katù yapulà pàk, màlà iwekkussak lùppù pàk.

Yeunossak kon Wotokoyi 5:26

Màlàyau Katù yùwùk yelasu yamùk utàppù tepulu kon pokonpe. Molopai yeunossak kon mùnappoppù tok uya. Tok uya tok yeka'nonkappù pen, masapùla tok usenalippappù, kappon yamùk uya tùwànà kon tàk ke yeselùkek iwechi pàk.