Matthew 14:3 - Patamuna New Testament Revised

³ Màlà wapiya Herod uselupappù màlà John yachitoppe molopai yaulonpàttoppe, molopai patikichi tak itùtoppe. Sàlà kupùppù ya màlà Herodias takon Philip noppù wenai.

Matthew 14:3 Iomraidhean Croise

Matthew 11:2

Patikichi tau echii'ma Christ wotokoyi yekale yetasak tùuya yau, John Enpataukanài uya, ta'lon kon tonpa yamùk yeunokoppù ipyak.

Matthew 14:6

Herod uya tùwentuppù weyu lùppù kupù yattai Herodias yema'nomù mananùppù màlà tukkan kon kappon yamùk yemloto po. Herod utauchinpasak wechippù màlà.

Matthew 4:12

John tùsak patikichi tak yetasak tùuya yau, Jesus utàppù màlà pata Galilee pona.

Mark 6:14

Kin Herod uya yetappù, masapùla wakù kupù Jesus uya usekaletàppù pata yamùk yawàlà. Tùulon kon uya, “John Enpataukanài we'wuluukasak tùwuluwachi yapai pe iwechi màlà! Wa iwechi pàk wakù kuttok ya yapùiketù yesappe iwechi nai'nùk,” teppù màlà.

Mark 6:17

Herod uya tàmàlà pe kàyik yamùk yeunokoppù màlà John yachiik. Tok uya yaulonpàtùppù, molopai tok uya itùlùppù patikichi tak. Herod uya sàlà kupùppù màlà, Herodias pàkànsau. Herod uya màlà Herodias mali'mappù Philip, takon noppù pe là nen iwechi tùse.

Mark 6:19

Màlà wenai Herodias uya John kupùppù tewamma pe. Ànwàpai iwechippù màlà, tùse Herod wechippù imaimu yawàlà pùla.

Mark 6:22

Herodias mule ulichan uyàpùppù màlà amanùnse. Imananùppù màlà, màlàyau Herod molopai ikaklamu yamùk là yauchinpappù ya tùmananù ke. Màlàyau Kin uya, “Yà'là là iche ewettok yekamappokà upàk molopai elepa uya màlà ike,” teppù

Mark 8:15

Jesus uya tok panamappù, “Tùttuik kan mettàik tà nalippe, Pharisee yamùk molopai Herod tawonnan yeselu pàk so'li konekanài nan pàk. Mùkyamlo yeselu (so'li pe) amattanùttakù'nokon,” tukaik.

Luke 13:1

Màlà yattai tùulon kon kappon yamùk wechippù màlà molo, mùkyamlo uya Jesus pàk Galilee pon kon Pilate nùwànàssan Katù yemyak tùntùlù kon tùlù tok uya tùse, yekamappù.

Luke 13:31

Màlà yattai Pharisee yamùk tonpa yamùk uyàpùppù màlà Jesus piyak. Molopai Jesus pàk, “Sàlà motapai itàkà tùulon yailà, masapùla Herod àwàpai man,” teppù tok uya.

Luke 23:11

Herod molopai ichoichayi yamùk wàkklàppù màlà Jesus pàk, tok uya imottùnpappù. Molopai wakù pon yak tok uya ipontàppù molopai Pilate piyak tok uya yeunotukkappù.

Luke 23:7

Herod wettok itepulu pe pata, yapaino pe Jesus wechi ittusak tùuya yau, Pilate uya Jesus yeunokoppù Herod piyak. Herod wechippù nàlà màlà Jerusalem po màlà yattai.

Luke 3:1

15 pe kilichimochi iwechippù màlà Tiberius Caesar wechi itepulu pe yattai, Pontius Pilate wechippù Judea po kopùna pe. Herod wechippù Galilee yepulu pe, molopai yakon Philip wechippù Itturea molopai Trachonitis yawolon kon pata yepulu pe. Molopai Lysanias wechippù Abilene yepulu pe, Annas molopai Caiaphas wechippù Eke ton paatele yamùk yepulu pe. Màlà yattai Katù Maimu uyàpùppù John, Zachariah mumu piyak, wontaik yau.

Luke 8:3

Joanna, Chuza noppù, Herod patassek yau tùwe'wotokomasen, Susanna molopai tukke tùulon kon utàppù nàlà. Pùsamlo nossan yamùk, Jesus molopai ya'lon kon yamùk pùikattàn nan nùssan tok yapluli pàk utàppù màlà ya'là.

Yeunossak kon Wotokoyi 12:1

Sàlà yekkwa yattai Kin Herod wepyattàppù màlà sochi tawon kon talumattà pàk.

Yeunossak kon Wotokoyi 4:27

Ailon pe iwechippù Herod molopai Pontius Pilate tawonnan wessepoloppù sàlà pata yau, Jew yamùk pen molopai Israel yamùk pokonpe Jesus talumattàik, wakù kulu ayapyoto Christ ananùmùppù lùppù.