Matthew 14:19 - Patamuna New Testament Revised

¹⁹ Kappon yamùk weleutatoppe wanak pona Jesus uya yekamappù tok pàk. Màlàyau 5 pan pùlomù pusak molopai asa'lon kon molok yamùk tawon yanùmùppù ya. Tenu tùlùppù ya epùn winàkàik, molopai tenki teppù ya. Pùlomù pusak yamùk pilipàtùppù ya molopai itùlùppù ya ta'lon kon yemyak, molopai ya'lon kon uya itùpàtùppù kappon yamùk yemyak.

Matthew 14:19 Iomraidhean Croise

Luke 24:30

Iweleutappù màlà kùyali yapon piyau tok pokonpe, pùlomù pusak yanùmùppù ya, ipùlemappùya. Màlà tùpo ipilipàtùppùya, tok yemyak nen uchi itùpàtùppù ya.

Yeunossak kon Wotokoyi 27:35

Sàlà te tùpo, Paul uya pùlomù pusak yanùmùppù tenki teppù ya Katù pàk, tamù'nawàlà tok yemloto po, molopai ipilikappù ya, molopai tùuta'lettà pàk iwessa'molùkappù.

Mark 6:41

Jesus uya pùlomù pusak yanùmùppù molopai asa'lon kon molok yamùk, tenu tùlùppù ya epùn winàkàik tenki teppù ya Katù pàk. Pùlomù pusak pilipàtùppù ya molopai tùnenupa ton yemyak itùlùppù ya kappon yamùk lepapàttoppe tok uya. Asa'lon kon neken làma molok yamùk yekamùppù ya tok yemyak.

1 Corinthians 11:24

Tenki te tùpo ipilipàtùppù ya, molopai, “sàlà màlà upun àponalok kon, sàlà mùkuttàik uyittutok auya'nokon ipàkàlà pe,” teppù ya.

Romans 14:6

Mùkàlà pata weyu tonpa ittunài eke pe uya ikupù màlà Itepulu yapulàtok iwinà pe, mùkkàlà ta'mù'nawolon na'nài molopai yannài uya ikupù màlà Itepulu yapulàtok iwinà pe, masapùla tenki tawon mùkkàlà Katù pàk kùyali pona. Mùkkàlà tùulon nà kùyali nulunpanài uya ikupù màlà Itepulu yapulàtok iwinà pe, molopai tenki tawon mùkkàlà Katù pàk.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

1 Corinthians 10:16

Tenki tawonnan kùmyamlo ipùlemasak kon pàk. Màlà wechi màlà Christ welikù mùnù pùkkù pe we'nà yekamanài pe. Molopai pùlomù pusak ipilika'nokon nai'nùk wechi Christ pun pùkkù pe we'nà yekamanài pe.

Luke 9:14

Tukke kulu kàyik yamùk wechippù màlà 5000 pe molo. Jesus uya ta'lon kon pàk, “Kappon yamùk weleuta toppe ikuttàk kon tamùkke 50 pe'ne,” teppù.

Mark 7:34

Epùn winàkàik tenu tùlùppù ya, molopai kusan pe iwe'netukkappù màlàyau kàyik pàk, “Ephphatha!” teppù ya, “Atakkokakà,” te ya pe iwechippù màlà.

1 Corinthians 10:31

Yà'làlà kupù auya'nokon yau, auta'lettà kon wapùla àwuku kon nà inchi auya'nokon pe iwechi yau, tamù'nawolon ikuttàk kon Katù yapulà auya'nokon pe.

John 6:23

Tiberias poi tùulon kon kanau yamùk uyàpùppù màlà pùlomù pusak napùppù ilinà kappon yamùk uya, tenki te Itepulu Jesus uya tùpo motak.

Mark 6:39

Jesus uya tùnenupa ton uya tamùkke'ne kappon yamùk weleuta toppe tok kuttoppe yekamappù.

John 11:41

Màlàyau tok uya tàk yamappù uluwaik poi. Jesus uya tenu tùlùppù kakàik, molopai iwàpùlemappù “Ukàipùnù, tenki ukayaik àpàk, umaimu yetappù auya pàk,” teppù.

Luke 22:19

Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma.

Luke 9:16

Jesus uya mùyak etoikenan eki molopai asa'lon kon molok yamùk tawon yanùmùppù molopai tenu tùlùppù ya epùn winàkàik. Tenki teppù ya Katù pàk màlà yamùk pàk, molopai ipilipàtùppù ya. Molopai itùlùppù ya ta'lon kon yemyak tok uya yekantoppe kappon yamùk yemyak.

Matthew 14:18

“Inettàk kon uchi sà motak upyak,” teppù Jesus uya.

Luke 22:17

Màlàyau Jesus uya pùsau yanùmùppù, tenki teppù ya Katù pàk molopai tok pàk, “Sàlà yanùntàk kon molopai yekantàk kon àkklottau'nokon.