Matthew 13:54 - Patamuna New Testament Revised

⁵⁴ Molopai iwennappoppù màlà tùpata yak. Molo kappon yamùk yenupappù ya tok wepilittok itak tau, molopai mùkyamlo iichelupa yetannannùssan usenumenkasak wechippù màlà. “I'nailà pai ken uchi tùpukketù yepoloppù ya? Molopai yà'là yekkwa ken uchi màlà inkupù tùwekkussen yek ton pen?” tukaik tok usekamappoppù tùyiwalà'nokon.

Matthew 13:54 Iomraidhean Croise

Matthew 2:23

Tùpata konekappù ya màlà Nazareth po. Sàlà kupùppù ya màlà Katù Maimu yenpoikannan uya, màlà kasa iwechi màlà teppù kasa. “Nazarene pe yesatù màlà,” tawon.

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Matthew 7:28

Jesus wenukapùppù màlà sàlà yamùk pàk tùuselupa pàk, molopai tukkan kon kappon yamùk usenumenkasak kulu wechippù màlà kappon yamùk yenupasak ya pàk.

Luke 2:47

Tamù'nawolon kon yetan nan usenumenkappù kulu màlà ittu ya molopai ikasa mayin yeippàtù ya pàk.

John 1:11

Tùnkonekappù wolù pona iyàpùppù màlà, tùtonpa yamùk kùlottak, tùse itonpa yamùk uya yanùmù pùla iwechippù.

Yeunossak kon Wotokoyi 13:46

Tùse Paul molopai Barnabas uselupappù màlà yentak meluntà pe tùusenalippaik pùla. “Iche kulu we'nàtoppe iwechippù màlà Katù Maimu usekama àpàkù'nokon wapiya. Tùse inulunpasak auya'nokon pàk, molopai tàwàlàlà wema'nàtok yeponnan yeppe ewekkupù kon pùla iwechi pàk, ina uya ànàmà kon sàlà, molopai ina utà sàlà Jew yamùk pen piyak.

Yeunossak kon Wotokoyi 4:13

Jew yamùk yepulu ton usenumenkappù kulu màlà Peter molopai John tawonnan wettalipa pùla iwechi pàk, molopai ichenupasak kon pe pùla tok wechi tùulon kon kappon yamùk kasa ittu tùuya'nokon pàk. Màlàpàk tok uya Jesus ya'lon kon nà lùssan pe tok wechi ittuppù.