Matthew 13:52 - Patamuna New Testament Revised

⁵² Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

Matthew 13:52 Iomraidhean Croise

Matthew 12:35

Wakù kappon mùkkàlà wakù ton ne'nài wakù tewan yawon yapai molopai àli kappon mùkkàlà àli ton ne'nài àli tewan yawon yapai,” teppù Jesus uya.

Matthew 13:51

“Sàlà yamùk ken na' mùttuyatàu?” tukaik Jesus uya ta'lon kon yekamappoppù. “Ewaik,” tukaik tok uya yeikuppù.

Matthew 13:53

Sàlà yamùk panton yekama pàk tùwenukasak yau, Jesus uya màlà pata nàmàppù,.

Matthew 23:34

Màlàpàk uchi Katù Maimu yenpoikannan teunossaik, molopai pukkek ton, molopai enupannan. Tok tonpa yamùk wànà auya'nokon màlà, tùulon kon pukapàtù auya'nokon pulusuk pona. tùulon kon ippoppàtù auya'nokon màlà ewepilittok kon itak tau, molopai tok yenpe auya'nokon màlà pata yapai tùulon pata yamùk yawàlà'ne.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Luke 11:49

Sàlà wenai Katù uya ittutok tùuya yau, ‘Katù Maimu yenpoikannan yeunoko uya màlà molopai itekale yekamannan. Tok uya tok tonpa yamùk wànà màlà. Tok tonpassan talumattà tok uya màlà,’ tesak màlà.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

2 Corinthians 6:10

Tùusewankono'mase tùse tàwàlà tùutauchinpaik, itemamin pùla tùse tukkan kon ma ina uya temamin ke, yà'làlà pùla tùse tamù'nawolon yesappe.

Ephesians 3:4

Molopai unmenukappù yene auya'nokon yau Christ yekale tùttusen pe pùla nai'nùk ittu auya'nokon màlà.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Colossians 1:7

Sàlà ittuppù auya'nokon Epaphras ina tonpa, ina pùnùn kulu, ina we'wotokoma Christ ponaloppe tonpa winàpai, ailon pe kulu tùusetakkaik pùla tùwe'wotokomasen àpàkànsau'nokon.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

1 Timothy 3:6

Emennappe là Katù yemyak iwettùsak pe pùla , wakù pe tùwechi tùtonpa yentai pàk tùusenumenkasen pe iwechi tukaik, molopai tùtalumattùtok yepolo ya tukaik Makui, wechippù kasa.

Titus 1:9

Wakù Itekale pàk meluntà pe tùwemassen pe, ailon tetok ipàk pe enupantok uya panamantok yawàlà. Sàlà kasa tùulon kon meluntàtanpù ya màlà ailon enupantok ke, molopai nàlà iwalai pen yekama ya mùkyamlo ailon yeya'noma yai'nannùk pàk.