Matthew 13:44 - Patamuna New Testament Revised

⁴⁴ “Sàlà kasaichi Itepulu pe we'nàtok epùn po wechi màlà. Wakù mamin yonansak umà yau kasa. Kàyik uya là yepolo, màlàyau iwaputtà tu'ma ya. Tùutauchinpase kulu tùutàsen mùkkàlà tamù'nawolon itesappe tùwettok chilanmase, molopai nen uchi tùwennapposen molopai umà ye'manài,” teppù Jesus uya.

Matthew 13:44 Iomraidhean Croise

Matthew 13:24

Jesus uya tok pàk tùulon panton yekamappù màlà. “Itepulu pe we'nàtok epùn po wechi màlà wakù kùyali yenappà pànnàippù tù'mà yau kàyik kasa.

Matthew 13:46

Wakù pe kulu tùwessen molopai epekkek yeposak tùuya yau, tùutàsen mùkkàlà tamù'nawàlà itesappe tùwettok chilanmase molopai nen uchi pearl ye'manài,” teppù Jesus uya.

Matthew 13:47

“Molopai sàlà kasa nàlà itepulu pe we'nàtok epùn po wechi màlà. Punwe yenu'masak tuna kak, molopai ànùk yekkwa ton nà molok yamùk yachinài kasa.

Matthew 19:21

Jesus uya ipàk, “Wakù pe, ikasa kulu eppai ewechi yau, itàkà molopai tamù'nawolon itesappe ewettok ichilanmata, molopai entuppa'nokon mùlepaik molopai nen uchi mamin yamùk yesappe ewechi màlà epùn po. Molopai uya'là àikkà,” teppù.

Matthew 19:27

Màlàyau Peter uya, “Masa yenkà ina uya tamù'nawolon nànsak man molopai aya'là ina man. Yà'là yepolo ken uchi ina uya?” teppù.

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Matthew 6:21

Masapùla eyewan wechi màlà molo tàwàlà eyemamin wettok yau,” teppù Jesus uya.

Luke 14:33

Màlà kasa làma ànù'là tamù'nawolon itesak pe tùwettok nonkasak ya pùla nai'nùk wechi unenupa pe pen màlà,” teppù Jesus uya.

John 6:35

Jesus uya tok pàk, “Iulà mùkkàlà pùlomù pusak wema'nàtok ke lepanài. Ànù'là uyàssak upyak yau iwapùkkapù pen màlà, molopai ailon tawon upàk we'nakklipa yà'là yattai là pen màlà.

Romans 15:4

Masapùla tamù'nawolon pena imenukasak lùssan màlà kùyenupatoppe ya imenukasak lùppù, pàlikantok molopai Katù Maimu uya ewan meluntàpatok yai enpen we'nàtok yepotoppe.

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

Hebrews 10:34

Patikichi tawon kon pàk eusentupappù kon molopai itesak pe ewettok kon mokkasak ewinàpai'nokon yau, ipàlikappù auya'nokon tùutauchinpaik. Masapùla tàwàlàlà tùuko'mansen wakù ton lùiwa yesappe ewechi kon ittu auya'nokon pàk.

Revelation 3:18

Eyekamappoyan Iulà, Kolù ye'ma pa uwinàpai, apok ke tùpottàik ikonekasak kolù, temamin ke ewechi pa. Aimu'nan pon nàlà ye'makà ewepontà pa yak, molopai eyesak iwapu pùn kuli'manài iwaputtàkà. En yipik nàlà ye'makà eyenu yipippe, wakù pe pata yene pa.