Matthew 13:41 - Patamuna New Testament Revised

⁴¹ Kàyik Mumu uya tùyinchelùyi yamùk yeunoko màlà, molopai tok uya itepulu pe iwettok yapai tamù'nawolon kon kappon yamùk wemakuimatoppe tok ku'nài nan pilipù màlà, molopai tamù'nawolon kon àli ku'nài nan.

Matthew 13:41 Iomraidhean Croise

Matthew 13:49

Sàlà kasaichi iwechi màlà pata weyu wenukattok yattai. Inchelù yamùk utà màlà molopai àli ku'nàinan kappon yamùk menka tok uya wakù ton kùlottapai.

Matthew 18:7

Àsà pe kulu sàlà wolù pon kon kappon yamùk pona iwechi màlà, masapùla molo màlà kappon yamùk welattàtoppe iku'nài wechi. Màlà yekkwa ton wekkupù màlà, tùse àsà pe kulu iwechi màlà mùkyamlo iwekkuttoppe iku'nàinan pona!” teppù ya.

Matthew 24:31

Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Matthew 3:12

Kùyali pantakatok tùuya ipippà winàpai yesappe man. Ipilipù ya màlà kùyali yùwùk tak. Tùse ipippà lùppù pottà ya màlà tùusà'nùssen pen apok ke!” teppù ya.

Matthew 8:20

Jesus uya yeikuppù, “Maikan yamùk mùkyamlo teuta kenan kon, molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” tukaik.

Mark 13:27

Tùyinchelùyi yamùk yeunoko ya màlà i'nailàlà non yawàlà Katù ponalok kon kappon yamùk piliche tamù'nawolon pata yamùk yapai, wei wepaka motapai wei wewomù motak,” teppù Jesus uya tok pàk.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Revelation 21:27

Tùse yà'làlà àli là wapùla ikopposak là wewomù pen màlà pata yak, wapùla ànù'là, kuli'manài pe nai'nùk Katù yewanma ton ku'nài molopai kasei pe tùwessen. Tùse mùkyamlo neken, itesek imenukasak kon Kalinilu Mule kaletayi wema'nàtok kaletayi yau wewomù màlà pata yak.