Matthew 13:11 - Patamuna New Testament Revised

¹¹ “Tùttusen pen Itepulu pe we'nàtok epùn po ittutok tùsak man apyakù'nokon. Tùse mùkyamlo piyak pùla,” tukaik Jesus uya tok maimu yeikuppù.

Matthew 13:11 Iomraidhean Croise

Matthew 13:10

Màlàyau Jesus ya'lon kon uyàpùppù ipyak molopai tok uya yekamappoppù, “Yà'là pe ken iwechi pàk panton yapulànài àmàlà kappon yamùk yelupa auya yau?” tukaik.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 19:11

Jesus uya yeikuppù, “Tamù'nawolon kon uya sàlà mayin yanùmù pen màlà, tùse mùkyamlo neken màlà ke ilepasak kon.

Matthew 20:23

“Ussawù yawon inchi là nen auya'nokon, tùse ikasa pùla iwechi màlà ànù'là yanùmù uya iweleutatoppe ukamikù pen winà, molopai ukamikù winà tukaik yau. Sàlà màlà patassek yamùk Ukàipùnù nùkonekappù iponalok kon ponaloppe,” teppù Jesus uya tok pàk.

Mark 10:40

“Tùse unkupù pen màlà ànùk wettok upyau sàwinà'ne. Katù làkku nen mùkkàlà ànùk ponaloppe sàlà pata yamùk wekonekasak tùnài,” teppù Jesus uya.

Mark 4:11

Jesus uya tok maimu yeikuppù, “Katù wettok itepulu pe wechi tonantau ittutok tùsak man apyakù'nokon. Tùse tùulon kon Katù wechi tepulu kon pe ittunan pen uya ittutok uyàpù màlà panton winà.

Luke 8:10

Jesus uya yeikuppù, “Katù wettok itepulu pe yau tùttusen pen ittutok auya ke elepasa'man. Tùse tùulon kon uya ittutok uyàpù màlà panton yai, tok uya tenu kon tùtoppe yenei'ma pùla, tok uya yeta toppe ittui'ma pùla,” tukaik. {ISA 6:9}

John 6:65

Màlàyau, “Wa iwechi pàk àpàkù'nokon yekama uya nettainùk, ànù'là uyàpù upyak pen tùse Ukàipùnù uya neken iyàttoppe ikussak yau iyàpù, te uya,” teppù ya.

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

Yeunossak kon Wotokoyi 16:14

Tok tonpa ina uselupa yetanàippù wechippù Lydia, Thyatira pon, pùsalà wechippù màlà tùtalilen walai pon chilanmanài pe tùwessen. Mùkkàlà nossan wechippù màlà Katù yapulànài pe molopai Itepulu uya itewan yappàtùppù yà'là te là Paul uya yetatoppe ya.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

1 Corinthians 13:2

Lepantok, Katù Maimu yenpoikanài yesappe wechi yau, tamù'nawolon pukkeppe we'nàtok yesappe molopai tùttusan pen yamùk là ittu uya, tamù'nawolon ailon tetok yesappe wechi, wùk yamùk yamatoppe uya, tùse uchi'nùnmantok pùla wechi yau, yà'làlà pùla wechi màlà.

1 Corinthians 15:51

Sàlà ittusak pen yetatàk kon. Tamù'nawàlà weli'nà'nokon pen màlà, tùse tamù'nawàlà wemyakanman nokon màlà.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

1 Corinthians 2:7

Tùse ina uselupa nai'nùk Katù pukketù tùttusen pen pàk, pukkek tonantau iwessak lùppù. Katù uya tonanse ikupùppù. Sàlà kupùppù ya màlà pata wepyattà wapiya, yapulàtok kon pe.

1 Corinthians 4:1

Màlàpàk uchi, ina yene kappon yamùk uya màlà Christ yapyoto ton pe, molopai Katù nùwotokoyittàssan, tùttusen pen ailon yenpoikannan pe ikussak kon pe.

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Ephesians 5:32

Sàlà màlà eke kulu ailon ittusak lùppù pen, tùse yenpoikasak uselupayaik Christ molopai sochi pàk.

Ephesians 6:19

Molopai upona nàlà màpùlematàik, Katù uya ulepatoppe itekale ke, uselupa pàk wekonekasak yau, uselupatoppe meluntà pe tùusenalipaik pùla. Molopai Wakù Itekale yawon tùttusen pen yekamatoppe uya.

Colossians 2:2

Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

1 Timothy 3:9

I'napailon ailon, Katù nekamappù lùppù kùpàk yawàlà tok nechii molopai iwalai kupùi tok tùwanmùla tùwettok kon pe.

James 1:5

Tùse ànù'là àkklottau'nokon nai'nùk wechi pukkek pùla yau, nàpùlemaik, itùnài tùpyak yekamappoi; masapùla Katù mùkkàlà lepanài tùusetakkaik pùla molopai tùusàulàmaik pùla tamù'nawolon kon pàk.

1 John 2:20

Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.

1 John 2:27

Tùse amyamlo, Christ uya Takkwalù ikkwansak màlà àpona'nokon. Yakkwalù wemapù ayau'nokon kaichalà, ànù'là eyenupa kon woton iche ewechi kon pen màlà. Masapùla Yakkwalù uya eyenupa kon tamù'nawolon pàk pàk, molopai màlà enupantok ya ike màlà ailon, kasei pen. Yakkwalù uyaichi enupantok yawàlà ettàk kon, molopai Christ yau ettàk.