Matthew 12:34 - Patamuna New Testament Revised

³⁴ Àkài yamùk, atta ken uchi wakù pe euselupa kon àli pe echii'ma'nokon? Masapùla ewan yawon yekamanài màlà mùta.

Matthew 12:34 Iomraidhean Croise

Matthew 12:35

Wakù kappon mùkkàlà wakù ton ne'nài wakù tewan yawon yapai molopai àli kappon mùkkàlà àli ton ne'nài àli tewan yawon yapai,” teppù Jesus uya.

Matthew 15:18

Tùse màlà tùwepakkasen inta yai màlà tùuyàssen itewan yapai, màlà yekkwa ton màlà àli pe kappon ku'nài.

Matthew 23:33

Àkài yamùk, molopai àkài yamùk munkà! Yà'là kasa ken uchi ewepe kon apok patassek yak àutà kon winàpai pe mùttuyatàu?

Matthew 3:7

Tùse tukke Pharisee yamùk molopai Sadducee yamùk uyàpù tùpyak tenpataukatok kon pe yensak tùuya yau, John uya tok pàk “Àkài yamùk, ànùk ken uchi epetàk kon Katù we'naikatok nùyàssai'nùk winàpai nùkai àpàkù'nokon,” teppù ya.

Luke 3:7

Tukkan kon kappon yamùk uyàpùppù màlà John piyak tenpataukatok kon pe ya. “Àkài yamùk! Ànùk ken Katù we'naikatok iyàpù winàkàik nai'nùk winàpai ewepe kon pa nekamatai?” teppù ya tok pàk.

Luke 6:45

Wakù kappon mùkkàlà wakù ne'nài wakù tewan yawon kon yapai, molopai àli kappon mùkkàlà àli ne'nài àli tewan yawon kon yapai. masapùla kappon mùta màlà tewan wanùssak ike nai'nùk pàk tùuselupasen,” teppù Jesus uya.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Ephesians 4:29

Àli mayin kùsapulàtàu euselupatok kon yau. Pùikattànài neken mayin yapulàtàk kon, iche kulu we'nàtok ne'nài, molopai ewan ipittànài eyetannan pùikattà toppe euselupatok uya.

Ephesians 5:4

Ikasa pùla nàlà àli pe uselupantok, pakko pe àli mayin yapulàtok, àli pe wo'mattantok wechi màlà, màlàpàk kùsapulàtàu. Tùse làkku tenki katàk kon Katù pàk.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.

1 John 3:10

Sàlà màlà tùpatalà kulu Katù munkà yamùk molopai Makui munkà yamùk wechi yekamanài: ikasa pùla tùwessan wapùla tùtonpa pùnùnman nan pen wechi màlà Katù munkà pe pùla.