Matthew 12:24 - Patamuna New Testament Revised

²⁴ Sàlà yetasak tùuya'nokon yau Pharisee yamùk uya yeikuppù, “Àli akkwalù yamùk yenpakkanài mùkkàlà masapùla tok yepulu Beelzebul uya màlà kuttoppe tùuya meluntà ke tùlepa pàk neken,” tukaik.

Matthew 12:24 Iomraidhean Croise

Mark 3:22

Tùse Law pàk enupannan Jerusalem poi iyàsssak kon uya, “Beelzebul wechi màlà yau! Àliton akkwalù yamùk yepulu, Settan uya imeluntàlùttà màlà tok yenpakka toppe ya,” teppù.

Matthew 9:34

Tùse Pharisee yamùk uya, “Àli akkwalù yamùk yepulu uya màlà ilepa meluntà ke tok yenpakkatoppe ya,” teppù.

Luke 11:15

Tùse tùulon kon uya, “Beelzebul, àli akkwalù yamùk yepulu, mùkkàlà winà àli akkwalù yamùk yenpakkayan,” teppù.

Matthew 9:32

Tok utà tùse tùulon kon kappon yamùk uya kàyik nepùppù màlà Jesus piyak. Tùuselupasen pen, masapùla àli akkwalù wechi yau pàk.

Matthew 10:25

Eichilà mà iwechi màlà tà tenupasen wechi tenupanài kasa molopai apyoto wechi tepotolù kasa yau. Tapùi yesak wechi Beelzebul pe yau màlà yentai nen uchi itùwùk tawon kon wechi màlà!” teppù ya.

Luke 11:14

Jesus uya tùuselupassen pen àli akkwalù yenpakkappù màlà. Iwepakkasak yau, kàyik wessa'molùkappù tùuselupa pàk. Tukkan kon kappon yamùk usenumenkasak wechippù.