Matthew 12:12 - Patamuna New Testament Revised

¹² Kappon nen mùkkàlà kalinilu yentaino! Màlàpàk uchi, kùyenupatok kon màlà kùku'nài'nokon ànù'là pùikattàtoppe Jew yamùk Wàlàkkattok Weyu yattai,” tukaik.

Matthew 12:12 Iomraidhean Croise

Matthew 10:31

Màlàpàk uchi kesenalippatàu, epekkek ton kulu amyamlo kamaliya yamùk yentaino kon!” teppù Jesus uya.

Matthew 6:26

Masa tolon yamùk yentàk kon. Tùwàppànsan pen, wapùla kùyali pili'nàinan itùwùk tak pen. Àkàipùnù epùn pon mùkkàlà tok mainanpanài! Tolon yamùk yentaino kon lùiwa pen ken na' uchi amyamlo?

Mark 3:4

Kappon yamùk yekamappoppù ya nen uchi “ Yà'là wechi ken ikasa màlà Law yailà Wàlàka'nàtok weyu yattai tùkussen pe, wakù kupù ka'lù, wapùla ka' àli kupù? Kappon yakkwalù kupù ka' nulà lù wapùla ka' kappon wànà lù?” teppù Jesus uya tok pàk. Tùse yeikuppù tok uya pen.

Luke 12:24

Masa tolon yamùk yentàk kon, kùyali yek pànnài nan pen mùkyamlo wapùla kùyali pili'nài nan pen, kùyali nonkatok yak wapùla kùyali yùwùk pùnon. Katù mùkkàlà tok yewe'nài. Tolon yamùk yentaino kon nen amyamlo!

Luke 14:1

Jew yamùk wàlàkkattok yattai Jesus utàppù màlà ata'lettàse eke ton tonpa Pharisee yùwùk tak. Molopai kappon yamùk wechippù itenupàkà kulu.

Luke 6:9

Màlàyau Jesus uya tok pàk, “Eyekamappoyatàu Iulà, Yà'là kupù ken Jew yamùk wàlàkkattok weyu yattai wechi màlà Law yawàlà? Wakù kupù wapùla àli kupù? Kappon yakkwalù pùikattà wapùla imattanùpù?” teppù.