Matthew 11:5 - Patamuna New Testament Revised

⁵ “Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 11:5 Iomraidhean Croise

Matthew 10:8

“E'netton mipittàtàik, iwelichak kon mùwuluukatàik, welei pokon kon mipittàtàik, molopai àli ton akkwalù yamùk menpakkatàik. Te'mase pùla yeposak auya'nokon man, màlàpàk me'lepatàik te'maik pùla.

Matthew 11:4

Jesus uya tok yeikuppù, “Ennapotàk kon molopai John pàk metayatài'nùk molopai menyatài'nùk mekamatàik,” tukaik.

Matthew 12:13

Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya molopai itemyatù uchipittàppù wakù pe ilatoi kasa.

Matthew 21:14

Enpùn molopai sesen pan uyàpùppù màlà Jesus piyak Katù yùwùk tak molopai tok ipittàppù ya.

Matthew 5:3

“Tùutauchinpasan mùkyamlo italumayippù pe tùwechi kon tewan kon yau ittunnan. Tok yepulu pe Katù wechi màlà!

Matthew 9:30

Molopai tok yenu utakkokappù màlà. Jesus uya meluntà pe, “Ànù'là pàk sàlà kùsekamatàu!” teppù.

Mark 7:37

Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.

Mark 9:25

Tukke kappon yamùk uyàpù yene tùuya yau, Jesus uya àsà pe àli akkwalù pàk, “Àmàlà tùuselupasen pen molopai panattàppan akkwalù, àpàk wa ukayaik. Epakkakà mùkkàlà yapai, molopai kewontukkai walawok yak,” teppù.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

John 10:25

Jesus uya tok maimu yeikuppù, “Tekamaikuichi àpàkù'nokon tà, tùse ailon te auya'nokon pùn. Uwotokoyi tùkussai'nùk Ukàipùnù yesek yai, màlà yamùk uya uyekama màlà.

John 10:38

Tùse iwotokoyi kupù uya yau, ailon te auya'nokon upàk pùla là tùse, eke ton wotoko kupù uya pàk ailon katàk, Ukàipùnù wechi uyau yene kon pa molopai nàlà Ukàipùnù yau wechi ittukonpa,” tukaik.

John 2:23

Jerusalem po Jesus wechi Usentaka'nàppà yattai Uta'lettàntok pàk yau, tukkan kon kappon yamùk uya eke ton tùwotokoyi kupùya yeneppù molopai ailon teppù tok uya ipàk.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

John 5:36

Tùse uponalok pe yekamanài yesappe wessaik, John yentaino. Màlà kulu wotoko ukàipùnù uya ulepatok yenuka'nùtoppe uya, tùkussai'nùk uya yekama màlà ukàipùnù uya uyeunossak pe.

John 9:7

Màlàyau ipàk, “Itàkà, ikolùkata Siloam itesek tuna kak,” teppù ya. Sàlà uya ‘yeunossak’ te pe iwechi màlà. Màlàyau iitàppù ikolùkappù ya, molopai iwemeikuppù pata nen uchi tense.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.