Matthew 11:21 - Patamuna New Testament Revised

²¹ “Àsà pe iwechi màlà àpona, Korazin pon kon! Àsà pe nàlà iwechi màlà àpona, Bethsaida pon kon! Masapùla tensan pen kussak Tyre pon kon molopai Sidon pon kon ponaloppe ayau'nokon iwekussak lùppù wekkussak yau, pena nen sàlà àlichi wonpù yak tok wepontàppù eppaino, molopai ulumlàppà sululukkappù tok uya eppaino tùpona'nokon tùmakuyi kon winàpai tùwelattàsak kon yekama pe!

Matthew 11:21 Iomraidhean Croise

Matthew 11:22

Tùse tekamayaik àpàkù'nokon Ittuntok Weyu yattai usentuppantok wechi màlà eke peiwa kappon yamùk Tyre molopai Sidon pon kon pàk, àpàkù'nokon usentuppantok yentai!

Matthew 15:21

!Jesus uya màlà pata nàmàppù molopai iitàppù pata Tyre molopai Sidon tawon piyawon yak.

Matthew 18:7

Àsà pe kulu sàlà wolù pon kon kappon yamùk pona iwechi màlà, masapùla molo màlà kappon yamùk welattàtoppe iku'nài wechi. Màlà yekkwa ton wekkupù màlà, tùse àsà pe kulu iwechi màlà mùkyamlo iwekkuttoppe iku'nàinan pona!” teppù ya.

Matthew 26:24

Kàyik Mumu welikù màlà Katù Maimu yau iwe'menukasak kasa, tùse àsà pe kulu iwechi màlà mùkkàlà Kàyik Mumu yeimipponài pona! Wakù peiwa iwettok pan, iwentu pùla iwessak yau!” tukaik.

Mark 3:8

Jerusalem poi nokon, Idumea poi nokon, Jordan tuna pàk màwinàpai nokon, Tyre poi nokon molopai Sidon poi nokon. Pùsamlo tukkan kappon yamùk uyàpùppù màlà Chisek piyak masapùla inkupùssan yamùk yekale yetasak tùuya'nokon pàk.

Mark 6:45

Tewinanpa, Jesus uya tùnenupa ton yeunokoppù kanau yau tùwapiya Bethsaida pona, palau latoi pona, ilinà kappon yamùk utàpàttoppe yekamai'ma.

Mark 7:24

Jesus utàppù pata Tyre piyawon kon pata yamùk yak. Tapùi tak iwewomùppù màlà molo molopai ànù'là uya molo tùwechi ittu iche pùla iwechippù màlà, tùse icho'namù pùla iwechippù.

Mark 7:31

Tewin itekkwalok lùppù pe Jesus utàppù Tyre yapai Sidon yawàlà tuna Galilee winàkàik, 10 pan pata yamùk yawàlà.

Mark 8:22

Bethsaida pona tok uyàpùppù. Molo kappon yamùk uya enpùn kàyik nepùppù Jesus piyak. “Yapàkà neken nà tàwà,” teppù tok uya Jesus pàk.

Luke 4:26

Tùse Elijah yeunokoppù pen màlà tok piyak tùse itayappù iwelichak lùppù pata Zarephath pon piyak neken, pata Sidon yawon pon piyak.

Luke 6:17

Jesus uttàppù ta'lon kon pokonpe wùk poi, molopai satippe iwechippù nomon po tukkan kon tùwenaimanài nan kùlottau. Ilinà pe kulu kappon yamùk wechippù màlà molo tamùnawàlà Judea pon kon molopai Jerusalem pon kon, molopai palau yena pon Tyre molopai Sidon pon kon.

Luke 9:10

Yeunossak kon wennapoppù màlà molopai tamù'nawolon tùnkupùppù kon yekamappù tok uya Jesus pàk. Tok yalàppù ya ta'là molopai tok utàppù tùyiwalà'nokon pata Bethsaida pona.

John 1:44

(Philip wechippù màlà Bethsaida poino pe, Andrew molopai Peter tawonnan pata yapaino pe.)

John 12:21

Tok uyàpùppù Philip piyak, Galilee yawon Bethsaida pon piyak, “Jesus enenpai ina man yakko,” teppù tok uya ipàk.

Yeunossak kon Wotokoyi 12:20

Herod we'naikasak wechippù kulu màlà kappon yamùk Tyre molopai Sidon pon kon pàk. Màlàpàk tok utàppù tamùkke Herod yense. Wapiya Blastus nepùppù tok uya tùwinàkàik nokon; mùkkàlà wechippù màlà eke Herod yùwùk yesappe. Màlàyau tok utàppù Herod piyak echitonpa pe wema'nàtok yennaik, masapùla teipa kon yeponài nan pe tùwechi kon pàk kin pata yapai.

Yeunossak kon Wotokoyi 27:3

Tùulon nà wei yattai ina welepamùppù Sidon pona. Julius wechippù màlà wakù pe Paul pàk molopai tùtonpa yamùk yense iitàtoppe ikupùppù ya, yà'làlà iche tùwettok ke tùlepa toppe.

Jude 1:11

Talumattàntok wechi màlà tok po! Masapùla tok utàsak Cain utàppù yawàlà lùppù yawà pàk; tok wettùsak man iwalai pen yak pùlayatta pàkànsau, Balaam wechippù kasa; molopai tok mattanùssak man mayin yawàlà pùla we'nàtok pàkàlà Korah wechippù kasa.

Revelation 11:3

Asa'lon kon uyekamanan yapàikketù ke tok lepa uya màlà. Tok wepontàsak wechi màlà usewankono'man yattaino pon yak, molopai Katù yekale yekama tok uya màlà 1,260 pe wei,” teppù màlà upàk.

Revelation 6:12

Molopai Kalinilu Mule uya 6 pe iku'nài ikkwàtùppù takkokase. Àsà pe kulu tùlùpùnù wechippù molo, molopai wei wenappù ikklùn pe, ichin kuyalikku kasa, kapùi wenappù tamù'nawà ichuweyu pe mùn kasa.