Matthew 11:17 - Patamuna New Testament Revised

¹⁷ ‘Wemali'mansak yelemu tàulunpai ina àponalok kon pe, tùse amananù kon pùn! Uluwaik tùlù yelemu pàk ina nùselenpai, tùse akalawù kon pùn!’ tukaik,” teppù Jesus uya.

Matthew 11:17 Iomraidhean Croise

Matthew 11:16

“Yà'là kasa ken sàlà pe nai'nannùk kappon yamùk wechi te uya? Mule yamùk wenkalu makitti tau kasa tok man. Tok wentaime tùtonpa kon yamùk pàk,

Matthew 11:18

“John uyàpùppù màlà, molopai iita'lettàppù molopai tinchisen inchippù ya pen, molopai tok uya, ‘Àli akkwalù wechi màlà yau,’ teppù.

Matthew 9:15

Jesus uya yeikuppù, “Tùwemali'masan nùkà'massan uta'lettàtok wechi ken na' pokoi pe ema'non tayappù woton wechi molo tùpyau'nokon tùse pe mekamayataù? Kane! Tùse pata weyu uyàpù màlà tok winàpai tùwemali'masen kàyik mokkatok yattai, molopai nen uchi tok wechi màlà tùuta'lettàik pùla.

Matthew 9:23

Jesus wewonsak itepulu yùwùk tak yau. Wai tàulùnpannan yeneppù ya màlà, molopai tùusewankono'masan wentaimepàtù.

Luke 15:25

“Màlà yattai wapiyalok imu wechippù màlà umà yau. Tùuyàssak molopai mei pùla tùwenasak tapùi piyak yau, wai tàwù molopai manùnnà yetappù ya màlà.

Luke 23:27

Tukkan kon kappon yamùk utàppù màlà ya'là, tok kùlottau nossan yamùk wechippù màlà tùkalawù kon pàk, molopai tùwentaimepàtù kon pàk tùwessan Jesus wenai.

Luke 7:32

Mule yamùk wechi chichiu pe makitti tau molopai tok wentaimepàtù tùtonpa kon pàk kasa tok man. ‘Manùnnà yelemu tàulùnpai ina àponalok kon pe tùse amananù kon pùn! Ina nùselenpai usewankono'man yelemu pàk tùse akalawù kon pùn!’ tukaik.

Luke 8:52

Tamù'nawolon kon molon kon nà kalawùppù màlà molopai tok usewankono'mappù mule wenai. Jesus uya, “Kakalantàu, mule welichak pen màlà, iwe'nùmù neken màlà!” teppù.