Matthew 11:13 - Patamuna New Testament Revised

¹³ Tamù'nawolon kon Katù Maimu yenpoikannan molopai Law, uselupappù màlà John wechi molo yawàlà'ne.

Matthew 11:13 Iomraidhean Croise

Matthew 11:12

John uya tekale yekamappù motapai sàlà tepose Itepulu pe we'nàtok epùn po wettalumattàsak man àsà ton ke molopai àsà ton kàyik yamùk wechi imokkaiche man teka'nonkaik.

Matthew 11:14

Molopai tok nekama itekale pàk ailon tesak auya'nokon yau, John mùkkàlà Elijah, tùuyàpù woton.

Luke 24:27

Molopai Jesus uya tok pàk tamù'nawàlà Katù Maimu uselupasak tùpàk lùppù yekamappù màlà tok pàk, iweppyattàppù màlà Moses kaletayi yamùk motapai molopai tamù'nawàlà Katù Maimu yenpoikannan nùmenukappù pùkkù yak.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

Yeunossak kon Wotokoyi 13:27

Masapùla kappon yamùk Jerusalem pon kon, molopai tok yepulu yamùk uya, Jesus ittu pùla iwechippù. Molopai tok uya Katù Maimu yenpoikannan Maimu lùppù tùnene kon echipalà Jew yamùk wàlàkkattok weyu yattai'ne ittu pùla iwechippù. Tùse pùsamlo yenpoikannan maimu lùppù kupùppù tok uya iwekkupù màlà teppù Katù uya kasa, Jesus kupùppù tùuya'nokon pàkàlà.

Romans 3:21

Tùse sàlà pe ikasa we'nàtok Katù winàpaino, yekamasak màlà Law winà pùla. Tùse Law molopai Katù Maimu yenpoikannan nùssan nekamappù.