Matthew 11:12 - Patamuna New Testament Revised

¹² John uya tekale yekamappù motapai sàlà tepose Itepulu pe we'nàtok epùn po wettalumattàsak man àsà ton ke molopai àsà ton kàyik yamùk wechi imokkaiche man teka'nonkaik.

Matthew 11:12 Iomraidhean Croise

Matthew 11:11

“Ailon kulu sàlà, John Enpataukanài mùkkàlà eke kulu, ànù'là iwemassak lùppù yentaino. Tùse mùkkàlà àssà'mùla nai'nùk itepulu pe we'nàtok epùn po motau swechi màlà itentai.

Matthew 11:13

Tamù'nawolon kon Katù Maimu yenpoikannan molopai Law, uselupappù màlà John wechi molo yawàlà'ne.

Matthew 3:15

Tùse Jesus uya yeikuppù, “Masaichi sàlà kasa nechii sàlà pe, masapùla sàlà kasa nen uchi màlà tamù'nawolon iwalai Katù wettok iche kupù,” tukaik. Màlàpàk John uya, ewaik teppù, ikuttoppe tùuya.

Luke 13:24

“Wakù pe ànùttu kon ikuttàk kon ettakkù manatta yai ewewomù kon pa. Masapùla tukkan kon kappon yamùk wechi màlà tùwewomùiche' nokon tùse tok wewomù pen màlà, ukayaik àpàkù'nokon.”

Luke 16:16

“ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

John 5:4

Masapùla tùulon yattai'ne là Itepulu inchelùyi uttàpàtùppù màlà tunappai kak tuna laikapàsse. Mùkkàlà wapiya ilaikasak tùpo ikak iitàsak lùppù uchipittàppù màlà i'nai yekkwa pe là iwechi tepalan yapai.]

John 6:27

Eyeipa kon iwa pàk neken ke'wotokomatàu tùumattasen màlà, tùse e'wotokomatàk kùyali tàwàlàlà tùwemassen yepolo kon pa. Kàyik Mumu uya sàlà kùyali ke elepa kon màlà. Masapùla Katù, Ikàipùnù uya sàlà yentok ipàkàlà tùsak màlà yanùnnsak tùuya yenpoikanài pe,” teppù.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.