Matthew 10:5 - Patamuna New Testament Revised

⁵ Jesus uya pùsamlo 12 pan kon yeunokoppù màlà suwa tukaik tok tùpanamase. “Kùtàtàu tùulon kon kappon yamùk, Jew yamùk pen pata yak wapùla Samaria pon kon pata yak.

Matthew 10:5 Iomraidhean Croise

Matthew 22:3

Tapyoto ton yeunokoppù ya màlà uta'lettàntok yak ikà'masak kon kà'mase, tùse àippai pùla tok wechippù.

Matthew 4:15

“Pata Zebulun molopai Naphtali, palau winon, Jordan latoi pon tùulon kon kappon yamùk Jew yamùk pen pata, Galilee po!

Mark 6:7

Tùnenupassan kà'mappù ya tùpyak, molopai tok yeunokoppù ya asa'là'ne. Àli akkwalù yentaikanài apàikek ke tok lepappù ya.

Luke 10:1

Sàlà tùpo Itepulu uya tùulon kon kàyik yamùk yanùmùppù 72 pe. Molopai tok yeunokoppù ya asa'là'ne, tùwapiya tok utàtoppe tamù'nawàlà pata yamùk tùutàtok yak woton kon yak.

Luke 10:33

Tùse, kappon Samaria pon, màlà yawàlà nàlà tùutàsen uyàpùppù ipyak. Yensak tùuya yau ichentupappù kulu màlà.

Luke 17:16

Iwettolùpattàppù màlà non pona Jesus pùta piyak, tenki tei'ma. Samaria pon pe iwechippù màlà.

Luke 9:1

Jesus uya 12 pan kon ta'lon kon kà'mappù tamùkke. Molopai tok lepappù ya meluntà molopai apàikkek ke, tamù'nawàlà àli akkwalù yamùk yenpakka toppe tok uya, molopai palan ipittà toppe tok uya.

Luke 9:2

Màlàyau tok yeunokoppù ya Itepulu pe Katù wettok yekamase molopai e'nek ton ipittàse.

John 17:18

Wolù yak uyeunokoppù auya kasa tok yeunossak uya man wolù yak.

John 20:21

Màlàyau Jesus uya tu'ma tok pàk, “Wàlàkka'nàtok wechi màlà apyau'nokon, Ukàipùnù uya uyeunossak nai'nùk kasa làma eyeunoko kon uya sàlà,” teppù.

John 4:20

“Ina Samaria kok tamo yamùk wàpùlemapàtùppù sàlà wùk po, tùse amyamlo Jew yamùk uya màlà Jerusalem nen màlà wàpùleman patassek tesak,” teppù nossan uya.

John 4:5

Màlàyau iwelepamùppù Samaria pon pata Sychar itesek pona, mei pùla là iwechippù pata Jacob nùtùlùppù tùmu Joseph yemyak lùppù piyau.

John 4:9

Samaria kok nossan uya ipàk, “Jew àmàlà molopai Samaria pon molopai Iulà nossan Samaria pon, yà'là pe ken uchi iwechi pàk, ‘Kùwoppakà,’ te auya nai'nùk upàk?” teppù. Masapùla Samaria kok yamùk pokonpe wakù pe tùwessan pe pùla Jew yamùk wechippù màlà.

John 7:35

Jew yamùk usekamappopàtùppù tùyiwalà'nokon, “I'nai motak ken uchi pùsàlà kàyik utà pe iwechi màlà, tepolo pùla iwettoppe, kùtonpa kon ka' Jew yamùk Greek yamùk kùlottak iwetta'nùssak kon kùlottak lù, Greek yamùk yenupaik?

John 8:48

Jew yamùk yepulu yamùk uya yeikuppù, “Ikasa pùla na' iwechi màlà, ‘Samaria kok àmàlà molopai Makui nakkwalùttàppù,’ te ina uya yau?” tukaik.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 10:45

Jew yamùk ailon tawonnan, Joppa poi iyàssak kon Peter ya'là usenumenkappù kulu màlà masapùla Katù uya lepantok tùuya Wakù Akkwalù tùsak Jew yamùk pen pona nàlà pàk.

Yeunossak kon Wotokoyi 8:1

Saul wechippù màlà mùkyamlo Stephen wànà pàk iwàtàk tawonnan kùlottau. Màlà wei yattai àsà talumattàntok wepyattàppù sochi tawon kon Jerusalem po winàkàik. Tamù'nawàlà ailon tawonnan wetta'nùsak wechippù màlà pata Judea molopai Samaria tawon yawàlà, tùse yeunossak kon neken wechippù Jerusalem po.

1 Thessalonians 2:16

Tok wechippù nàlà ina yeleutanùpùiche Wakù Itekale yekama ina uya kappon yamùk Jew yamùk pen pàk tukaik, tok wepùikattà tukaik. Sàlà kasa màlà tamù'nawàlà eke pe tok makuyi wepilipù tok pona. Màlàpàk nen uchi Katù we'naikatok wepukakasak man tok pona.