Matthew 10:41 - Patamuna New Testament Revised

⁴¹ Ànù'là Katù Maimu yenpoikanài yanùnnài, masapùla imaimu yenpoikannài pe iwechi pàk uya màlà mùkkàlà yepeppù yepolo. Molopai ànù'là wakù kappon yanùnnài masapùla wakù pe iwechi pàk uya màlà mùkkàlà yepeppù yepolo.

Matthew 10:41 Iomraidhean Croise

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Matthew 25:44

Màlàyau nen uchi tok uya yeiku màlà. ‘Uyepulu, yà'là yattai ken uchi awapàkkassak yeneppù ina uya, wapùla ewe'naklipasak là, wapùla kakklan pe, wapùla ipon pùla là, wapùla e'neppe, wapùla patikichi tau, molopai ina uya àpùikattàppù pen?’ tukaik.

Matthew 25:45

Kin uya yeiku màlà, ‘Ailon kulu sàlà, yà'là yattai là pùsamlo entuppa'no kon yenpàssak auya'nokon yau, uyenpàssak auya'nokon màlà,’ tukaik.

Matthew 6:1

“Tùttuseichi mettàik wakù kupù auya'nokon yau ayupo kùkkuttàu, kappon yamùk uya ànkupù kon yentoppe. Sàlà yamùk kupù auya'nokon ayupo yau, eyepeppù kon yepolo auya'nokon Àkàipùnù kon epùn pon winàpai pen màlà.

Matthew 6:18

kappon yamùk uya àwàpùlema kon tùuta'lettàik pùla ittu tukaik. Àkàipùnù kon, tùusensen pen uya neken ittu màlà. Molopai Àkàipùnù kon amak yai mùkussatài'nùk yennài uya, eyepeppù kon ke elepa kon màlà,” teppù Jesus uya.

Matthew 6:4

Amak yai tùkussen pe iwechi màlà. Molopai Àkàipùnù kon Katù amak yai ikupù auya yennài uya eye'ma màlà,” teppù Jesus uya.

Matthew 6:6

Tùse àwàpùlema kon yau, tùkkenan pata yak mùtàtàik, ànù'là uya eyene kon tukaik, molopai tewincha nen uchi àwàpùlema kon pa, mùkkàlà tensen pen pàk. Katù Àkàipùnù kon amak yai mùkussatài'nùk yennài uya eye'ma kon màlà.

Matthew 7:8

Masapùla ànù'là yennanài pe nai'nùk uya yepolo màlà, molopai iwanài uya yepolo, molopai manatta yakkoka màlà iwànài yemyak.

Yeunossak kon Wotokoyi 16:15

Mùkkàlà molopai itùwùk tawon kon usenpataukappù. Màlà tùpo ina kà'mappù ya tùwùk tak: “Àittàk kon talà esse uyùwùk tau, ailon tawon pe wechi ittusak auya'nokon yau,” tukaik. Ina yeka'nonkappù ya molopai ina utàppù.

Romans 16:23

Gaius, itùwùk tau wessai'nùk molopai mùkkyamlo sochi pàk tùwepilichan itùwùk tak, “Wakù pe na' messatàu?” tetok tùuya'nokon yeunossan. Erastus, pata pùlayattayi yesak, molopai Quartus kùtonpa kon tawonnan, “Wakù pe na' messatàu?” tetok tùuya'nokon yeunossan apyakù'nokon.

1 Corinthians 9:17

Uwotokoyi kussak uya uyiwalà alikyeppe yau, uyepeppù wechi màlà molo. Tùse uyiwalà pùla iwechi yau, uwotokoyi unkupù pe itùsak lùppù kupù uya pe iwechi màlà.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

2 John 1:8

Elanneppe ekkà tùttuik màlà itepeppe ewe'wotokomappù kon lachima auya'nokon tukaik, tùse eyepeppù kon yepolo kon pa tamù'nawàlà itonpappù pe là pùla.