Matthew 10:40 - Patamuna New Testament Revised

⁴⁰ “Ànù'là ayanùnnài'nokon uya uyanùmù màlà. Molopai ànù'là uyanùnnài uya mùkkàlà uyeuno'nàippù yanùmù màlà.

Matthew 10:40 Iomraidhean Croise

Matthew 18:5

Molopai kappon pùsàlà yekkwa mule yanùnnài uyesek yau, uya uyanùmù màlà,” teppù Jesus uya.

Matthew 25:40

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

Matthew 25:45

Kin uya yeiku màlà, ‘Ailon kulu sàlà, yà'là yattai là pùsamlo entuppa'no kon yenpàssak auya'nokon yau, uyenpàssak auya'nokon màlà,’ tukaik.

Mark 9:37

“Ànù'là pùsàlà yekkwa mule, yanùnnài uyesek yau, uya uyanùmù màlà. Uyanùmù ya neken pen tùse uyeuno'nàippù yanùmù ya nàlà,” teppù ya.

Luke 10:16

Ta'lon kon pàk, “Ànù'là eyetanài'nokon uya uyeta màlà. Ànù'là ànulunpanài'nokon uya unulunpa màlà. Ànù'là unulunpanài uya uyeuno'nàippù nulunpa màlà,” teppù ya.

Luke 9:48

Molopai tok pàk, “Kappon uyesek yau pùsàlà mule yanùnnài uya uyanùmù màlà. Molopai ànù'là uyanùnnài uya nàlà uyeuno'nàippù yanùmù màlà. Masapùla mùkkàlà elekkwà kulu àklottau'nokon, wechi màlà eke pe kulu,” teppù ya tok pàk.

John 13:20

Ailon kulu sàlà, ànù'là uneunokoppù yanùnnài uya màlà uyanùnsak, molopai ànù'là uyanùnnàippù uya màlà mùkkàlà uyeuno'nàippù nàlà yanùnsak,” teppù Jesus uya.

John 20:21

Màlàyau Jesus uya tu'ma tok pàk, “Wàlàkka'nàtok wechi màlà apyau'nokon, Ukàipùnù uya uyeunossak nai'nùk kasa làma eyeunoko kon uya sàlà,” teppù.

John 5:23

Tamù'nawolon kon uya Imu nama toppe, Ikàipùnù nama tùuya'nokon kasa. Ànù'là Imu namanài pen uya Ikàipùnù yeuno'nàippù nama pe pùla iwechi màlà.

2 Corinthians 5:20

Màlàpàk uchi Christ ponaloppe tùuselupa kon pàk ina man, Katù uya apawanattà kon ina yai kasa. Christ pàkànsau apawanatà kon ina uya sàlà, tàwà Katù amyakanmatàu tùwechiyakonnon pe!

Galatians 4:14

E'neppe wechi yau uyenpàtù auya'nokon pùn wapùla unulunpa auya'nokon pùn, uye'netù pe tùwessen upun yau pàkàlà wanittà pe wechi tùse. Tùse làkku kùyanùntantàu Katù inchelùyi yanùmù auya'nokon kasa, kùyanùntantàu Christ Jesus yanùmù auya'nokon kasa!

1 Thessalonians 4:8

Màlàpàk uchi ànù'là sàlà enupantok nulunpanài uya, kappon pen nulunpa màlà, tùse Katù nulunpa ya, mùkkàlà elepanài'nokon Wakù Akkwalù ke.

2 John 1:9

Ànù'là Christ maimu yawà tùwessen pen, tùse tentaikase nemassai'nùk yawàlà pùla wechi màlà Katù pùla. Ànù'là Christ maimu yawà tùwessen wechi màlà Katù Kùkàipùnù molopai Imu tawonnan yesappe.