Matthew 10:2 - Patamuna New Testament Revised

² Sàlà yamùk uchi màlà teunossan yesek. Wapiyalok mùkkàlà Simon (Peter itesek) molopai itonpa Andrew, James molopai yakon John, Zebedee munkà yamùk,

Matthew 10:2 Iomraidhean Croise

Matthew 17:1

6 pe wei tùpo Jesus uya Peter molopai echiyakonnon James molopai John tawonnan yalàppù ta'là, molopai tok utàppù kawon wùk pona tewincha.

Matthew 20:20

Màlàyau Zebedee munkà yan uyàpùppù màlà Jesus piyak walawotichi tùmunkà yamùk pokonpe, iwepeimappù itemlotopo molopai iche tùwettok yennappù ya ipàk.

Matthew 26:37

Peter molopai asa'lon kon Zebedee munkà yamùk yalàppù ya ta'là. Ichewankono'mappù kulu màlà molopai ittaimelunpappù.

Matthew 4:18

Tùusalà Galilee yena pàk yau, Jesus uya asa'lon kon echiyakonnon molok yachi pàk tùwessan yeneppù, Simon (Peter tukaik tesassen) molopai itonpa Andrew tawonnan. Tok wechippù màlà molok yachi pàk punwe yai.

Matthew 4:21

Itàppù màlà miyaiwa molopai asa'lon kon tùulon kon echiyakonnon làma, James molopai John tawonnan, Zebedee munkà yamùk yeneppù ya. Tùkanwa kon yau tok wechippù tùkàipùnù kon Zebedee pokonpe tùpunwe kon yale'nattàpàtù pàk. Jesus uya tok kà'mappù màlà.

Mark 1:29

Jesus molopai inenupaton uya Synagogue nàmàppù, tok utàppù tossalà Simon molopai, Andrew tawonnan yùwùk tak. James, John tawonnan pokonpe tok utàppù.

Mark 13:3

Jesus wechippù màlà chichiu pe Olive Wùpù itesek po, Katù yùwùk yessumla, màlà yattai Peter, James John, molopai Andrew tawonnan uya yekamappoppù tùkkenan yai.

Mark 6:30

Yeunossak kon nùssan wennapposak wessepoloppù Jesus pokonpe, molopai Jesus pàk tamù'nawàlà tùnkupùppù kon lùppù yekamappù tok uya molopai kappon yamùk yenupappù tùuya'nokon lùppù là yekamappù tok uya.

Luke 11:49

Sàlà wenai Katù uya ittutok tùuya yau, ‘Katù Maimu yenpoikannan yeunoko uya màlà molopai itekale yekamannan. Tok uya tok tonpa yamùk wànà màlà. Tok tonpassan talumattà tok uya màlà,’ tesak màlà.

Luke 22:14

Uta'lettàntok yattai uyàssak yau, Jesus weleutappù kùyali yapon piyau teunossan pokonpe.

Luke 22:8

Jesus uya Peter molopai John tawonnan yeunokoppù, “Itàtàkkon, Uta'lettàntok ikonekatantàk,” teppù ya tok pàk.

Luke 5:10

Mùkyamlo lùssan wechippù màlà Simon wechi yakon non pe, James molopai John tawonnan Zebedee munkà yamùk. Jesus uya Simon pàk, “Kettalipatàu! Sàlà motapai kappon yamùk yachi auya'nokon màlà,” teppù.

Luke 9:10

Yeunossak kon wennapoppù màlà molopai tamù'nawolon tùnkupùppù kon yekamappù tok uya Jesus pàk. Tok yalàppù ya ta'là molopai tok utàppù tùyiwalà'nokon pata Bethsaida pona.

John 12:22

Philip utàppù Andrew pàk yekamaik, molopai asak tok uya yekamappù Jesus pàk.

John 13:23

Tewinan nà Jesus nenupa ton tonpa tù'nùn pe kulu inkupù wechippù màlà mei pùla kulu ipyau.

John 20:2

Màlàyau iitàppù aitun pe Simon Peter molopai tùulon Jesus nenupappù lùppù tu'nùn pe kulu inkupùppù piyak, molopai tok pàk, “Tok uya Itepulu mokkappù neppàssan uluwaik yapai molopai ittu'nokon pùla man i'nai yailàlà tok uya inonkappù!” teppù ya.

John 21:2

Simon Peter, Thomas munuik tukaik tesassen, Nathanael, Cana Galilee pon poino, Zebedee mumu yamùk, molopai asa'là tùulon kon Jesus nenupa ton nùssan wechippù màlà molo tamùkke.

John 21:20

Tùse Peter welattappù molopai Jesus nenupappù tù'nùn pe inkupùppù uya tùwenaima kon yeneppù ya. Pùsàlà wechippù màlà mei pùla Jesus piyau echippù uta'lettàntok yapon motau, “Uyepulu, ànùk uya ken eyeimippo?” tukaik Jesus yekamapponàippù pe.

John 21:24

Pùsàlà ichi mùkkàlà Jesus nenupappù sàlà yamùk yekamanàippù, molopai sàlà yamùk menukanàippù nàlà, molopai ittu'nokon man ichelupatok wechi ailon pe.

John 6:67

Màlàyau Jesus uya tùnenupa ton 12 pan kon pàk, “Itàpai nàlà na' messatàu?” teppù.

John 6:70

Jesus uya tok maimu yeikuppù, “12 pe na' unanùmùssan pen na' amyamlo? Tùse tewin nà àtonpa kon Makui pe man,” tei'ma.

John 6:71

Judas pàk ichelupappù, Simon Iscariot mumu pàk, mùkkàlà 12 pan kon tonpa pe là echii'ma iwàtok yak yeimippo woton.

John 6:8

Tewinannà inenupa ton Andrew, Simon Peter tonpa uya ipàk,

Yeunossak kon Wotokoyi 1:13

Tok welepamùppù Jerusalem pona, tok utàppù tapùi kawon pan tak molo tùwetok kon yak. Molo tùwessan mùkkyamlo Peter, John, James, molopai Andrew, Philip, molopai Thomas, Bartholomew, molopai Matthew, James Alphaeus mumu, Simon Zealot, molopai Judas, James mumu.

Yeunossak kon Wotokoyi 1:26

Sàlà tùpo tok uya tàk lùkkwà yenu'mapàtùppù i'nai là yanùmù tùuya'nokon pùsamlo kùlottapai ittutoppe tùuya'nokon. Matthias pona iwepukappù, mùkkàlà yanùnsak wechippù màlà, molopai 11 pan kon teunossan tonpa pe iwechippù.

Yeunossak kon Wotokoyi 12:2

James, John lui, wàtoppe kasupala sà wino'nan yà ke ikupùppù ya.

Yeunossak kon Wotokoyi 3:1

Tewin nà wei yattai 3 o'clock yattai Peter molopai John tawonnan utàppù Katù yùwùk tak, wàpùlemantok yattai.

1 Corinthians 15:7

Màlà tùpo ichenpoikappù màlà James piyak, molopai nen uchi tamù'nawolon kon yeunossak kon piyak.

Ephesians 4:11

Mùkkàlà ichi mùkkàlà “kappon yamùk lepanàippù lepantok yamùk ke” tùulon kon kappon yamùk yanùmùppù ya teunossan pe, tùulon kon Katù maimuppù yenpoikannan pe, tùulon kon Wakù Itekale yekamannan pe, tùulon kon sochi yesan pe, molopai tùulon kon enupannan pe.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

1 Peter 1:1

Peter, yeunossak lùppù Jesus Christ winàpaino sàlà kaleta, Katù nanùmùssan kappon yamùk tùwemassan kaklan pe tùwetta'nùse pata yamùk: Pontus, Galatia, Cappadocia, Asia, molopai Bithynia yawolon kon piyak immenukappù sàlà.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

2 John 1:1

Sàlà màlà kaleta Iulà amoko, John nùmenukappù. Wakù kulu Nossan molopai imunkà yamùk piyak imenukasak lùppù, u'nùn pe unkupù ton amyamlo. Iulà pe neken là pùla, tùse tamù'nawolon kon ailon ittunnan, mùkyamlo tù'nùn kon pe àkussatàu,

3 John 1:1

Sàlà màlà kaleta Iulà amoko, John nùmenukappù, Gaius u'nùn kulu piyak.

Revelation 1:1

Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 18:20

Atauchinpatàk kon, imattanùttok pàk epùn! Atauchinpatàk kon, Katù ponalok kon kappon yamùk, yeunossak kon, molopai Katù Maimu yenpoikannan! Masapùla Katù uya italumattàsak man inkupùppù àpàkù'nokon wenai!

Revelation 22:8

Iulà, John, uya màlà tamù'nawàlà sàlà yamùk yetappù molopai yeneppù. Molopai sàlà yamùk yetakassak uya molopai yenkassak uya yau, wepeimappù inchelù pùta piyau yapulàtoppe uya, mùkkàlà sàlà yamùk yekamanàippù upàk.