Matthew 10:18 - Patamuna New Testament Revised

¹⁸ Upàkànsau enepù kon màlà kin yamùk molopai kopùna yamùk yemloto pona, Wakù Itekale yekama kon pa tùpàkù'nokon molopai tùulon kon Jew yamùk pen pàk.

Matthew 10:18 Iomraidhean Croise

Matthew 10:17

Enpen mentàik, masapùla kappon yamùk wechi màlà molo ayachi kon woton molopai ayalà kon woton potolù yamùk yemloto pona, molopai tok uya eyippoppàtù kon màlà tùwepilittok kon itak tau.

Matthew 10:19

Tok uya enessak kon eyittutok kon pe yau, kataimelunpatàu yà'là te auya'nokon pàk wapùla yà'là kasa euselupa kon pàk. Iweyu uyàssak yau, yà'là tetok auya'nokon ke elepa kon màlà.

Matthew 8:4

Màlàyau Jesus uya ipàk, “ Ànù'là pàk kùsekamai, tùse tossalà paatele piyak itàkà eyentoppe ya. Molopai Moses nekamappù lùppù àntùlù pe itùtà euchipittàsak yekama pe nen uchi tamù'nawolon kon pàk,” teppù.

Mark 13:9

“Tùse amyamlo enpen ettàk kon, ayachi kon màlà. Molopai eyippoppàtù kon màlà kappon yamùk wepilittok motau. Kappon yamùk yesak yamùk yemloto pona asalattà kon màlà upàkànsau, molopai kin yamùk yemloto pona tok pàk Wakù Itekale yekama kon pa.

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 11:7

Tùnekama kon yekamakassak tok uya yau, àsà ene tùuyàssen i'nawon iteuta yapai uya tok panta'ma màlà. Tok yentaika ya màlà molopai tok wànà ya.

Revelation 6:9

Màlàyau Kalinilu Mule uya 5 pe iku'nài yachittok ikkwàtùppù takkokase. Altar yo'no mùkyamlo iwàsak kon nùssan yakkwalù yeneppù uya, masapùla Katù Maimu yekamasak tok uya pàk, molopai ailon pe tok wessak yekamatok tùuya'nokon yau pàk.