Matthew 10:16 - Patamuna New Testament Revised

¹⁶ “Yetatàk kon! Kalinilu yamùk kasa eyeunoko kon uya sàlà tukkan kon àsà ton kamo yamùk kùlottak. Pukkek peichi mettàik àkài yamùk kasa molopai tenpe wakokkwa yamùk kasa.

Matthew 10:16 Iomraidhean Croise

Matthew 24:25

Yetatàk kon! Sàlà tekamapàsaik iweyu wapiya.

Matthew 24:45

“Ànùk ken uchi mùkkàlà ailon molopai pukkek apyoto itepulu nùtùlùppù tùwùk tawon kon yepoi, tok yeipattàtoppe ya iwalai iweyu yattai?

Matthew 25:2

5 pan kon wechippù màlà pakkoton pe, molopai tùulon kon 5 pan kon wechippù pukkeppe.

Matthew 25:4

pukkek ton uya iten yamùk yau tùlanpuyi kon palu yalà tùse.

Matthew 25:9

‘Kane, ina ponaloppe neken nen man molopai àponalok kon woton kulu pùla. Itàtàk kon eyiwalà'nokon ichilanma yùwùk tak ye'mase,’ teppù pukkek ton uya.

Luke 10:3

“Itàtàk kon! Eyeunoko kon uya sàlà kalinilu munkà kasa, àsà ton kamo yamùk kùlottak,” teppù ya.

Luke 21:15

Masapùla elepa kon uya màlà amaimu kon ke molopai pukkek ke, eyeyaton kon yamùk uya euselupatok kon nulunpa wapùla ailon pen màlà te tukaik.

Yeunossak kon Wotokoyi 20:29

Masapùla tùttuyaik ànàmà kon uya tùpo, àsà ton ene yamùk uyàpù màlà àkklottakù'nokon, molopai tok uya Katù kaliniluyi yamùk, mattanùpù màlà.

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 11:14

Enumenkanài pùla iwechi màlà, masapùla Settan lànen mùkkàlà tùwepontàsen pe akkwa inchelùyi kasa.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

2 Corinthians 8:20

Elanneppe kulu ina man yà'là yekkwa là usàulàmantok nepù tùuya'nokon tukaik sàlà alikyeppe itùsak lùppù lepantok kuttok ina uya pàk.

Philippians 2:15

Àli ku'nài nan pe pùla esuken Katù munkà pe, wakù pe tùwemassan pe ewechi kon pa. Molopai ikasa pùla àli pe kulu tùwemassan kappon yamùk wolù yawon kon kùlottau elenpantàk kon. Chilùkà yamùk ulenpansak kak yau kasa.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 4:5

Tùttuik melaikatàik mùkyamlo ailon tawonnan pen winàkàik tok kùlottau. Tamù'nawàlà eweyu kon yapulàtàk kon wakù pe.

1 Thessalonians 2:10

Amyamlo mùkyamlo ina yennài nan nùssan molopai Katù nàlà mùkkàlà ina yennài, ina yeselu molopai ina welaikatok wechi wakù pe esuken molopai ikasa, amyamlo ailon tawonnan winàkàik molopai yà'là là iwalai pen woton pùla nettai.

1 Thessalonians 5:22

Molopai miyà ettàk yà'là yekkwa là àli winàpai.