Mark 8:6 - Patamuna New Testament Revised

⁶ “Eleutatàk kon non pona là,” teppù Jesus uya kappon yamùk pàk. Pùlomù pusak yanùmùppù ya, tenki teppù ya Katù pàk, molopai ipilipàtùppù ya. Tùnenupa ton yemyak itùlùppù ya, yekantoppe tok uya. Màlà yekamùppù tok uya.

Mark 8:6 Iomraidhean Croise

Matthew 26:26

Tùuta'lettà kon yau, Jesus uya pùlomù pusak yanùmùppù, Tenki tepe iwàpùlemappù, pùlomù pusak pilikappù ya, molopai itùlùppù ya ta'lon kon yemyak. “Yanùntàk molopai inattàk kon, sàlà màlà uyesak,” teppù ya.

Mark 8:20

“Molopai 7 pan pùlomù pusak pilipàssak ke nàlà 4000 pan kon yewetù uya tùpo, yà'là kaichalà nen eke ton walicha yamùk tanùkkaik itonpappù yanukuppù auya'nokon?” teppù ya tukka tok pàk. “7 kaichalà,” teppù tok uya.

Mark 8:5

Tok yekamappoppù ya, “Yà'là kaichalà neken ken uchi pùlomù pusak nai?” teppù ya. “7 pe,” teppù tok uya.

Mark 8:7

Molok yamùk lùkkwà nàlà wechippù màlà tok piyau, tukke pùla. Màlà yamùk pùlemappù ya, tok uya làma ilinà yemyak itùpàttoppe.

Luke 12:37

Tùutauchinpasan mùkyamlo apyoto yamùk, tùuyàssak yau itepulu nepolo ton, iipakasappe. Ailon kulu sàlà, iwepokùlùyittà màlà, molopai tok yeleutanùpù ya uta'lettàn yapon piyak, molopai tok yewetù ya màlà.

Luke 24:30

Iweleutappù màlà kùyali yapon piyau tok pokonpe, pùlomù pusak yanùmùppù ya, ipùlemappùya. Màlà tùpo ipilipàtùppùya, tok yemyak nen uchi itùpàtùppù ya.

John 2:5

Jesus san uya apyoto yamùk pàk, “Yà'làlà te ya yau mùkuttàik,” teppù.

John 6:23

Tiberias poi tùulon kon kanau yamùk uyàpùppù màlà pùlomù pusak napùppù ilinà kappon yamùk uya, tenki te Itepulu Jesus uya tùpo motak.

Romans 14:6

Mùkàlà pata weyu tonpa ittunài eke pe uya ikupù màlà Itepulu yapulàtok iwinà pe, mùkkàlà ta'mù'nawolon na'nài molopai yannài uya ikupù màlà Itepulu yapulàtok iwinà pe, masapùla tenki tawon mùkkàlà Katù pàk kùyali pona. Mùkkàlà tùulon nà kùyali nulunpanài uya ikupù màlà Itepulu yapulàtok iwinà pe, molopai tenki tawon mùkkàlà Katù pàk.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.