Mark 5:7 - Patamuna New Testament Revised

⁷ Màlàyau iwentaimeppù eke pe, “Jesus, Àmàlà Eke Katù Mumu! Yà'là pe ken ukupù auya màlà? Katù ponaloppe tàwà eyekamappo uya sàlà, kùtalumattài!” tukaik.

Mark 5:7 Iomraidhean Croise

Matthew 16:16

Simon Peter uya yeikuppù, “Yeunossak àmàlà Christ, tàwàlàlà tùwemassen Katù Mumu,” tukaik.

Matthew 26:63

Tùse Jesus wechippù eppana. Molopai Eke kulu paatele uya tu'ma, “Tàwàlàlà tùwemassen Katù yesek tesassse, euselupakà. Ina pàk yekamakà Christ pe na' ewechi màlà, Katù mumu pe?” teppù.

Matthew 4:3

Makui uyàpùppù màlà ipyak molopai, “Katù Mumu pe ewechi yau, sà tàk yamùk wekonekatoppe pùlomù pusappe ipàk yekamakà,” teppù ya.

Matthew 8:29

Asse'ne kulu tok wentaimeppù, “Yà'là pe ina wechi iche messan, Katù Mumu? Ina talumattàse na' àuyàssak màlà ina weyu wapiya?” tukaik.

Mark 1:24

“Yà'là pe ina wechi iche messan, Jesus Nazareth pon? Ina mattanùsse na' àuyàssak màlà? Eyittuyan Iulà ànùk pe là ewechi. Àmàlà mùkkàlà wakù kulu Katù Maimu yenpoikanài!” tukaik.

Mark 14:61

Tùse Jesus wechippù eppana imaimu yeikuppù ya pen. Molopai paatele yamùk yennài uya yekamappo tukkappù, “Christ na' àmàlà Katù tapulàsen molopai tùnamasen Mumu?” tukaik.

Mark 3:11

Àliton nà yakkwalù wekkawai'ma itemlotopo yene tùuya'nokon pàk, “Àmàlà mùkkàlà Katù Mumu,” tukaik tok wentaimeppù.

Mark 5:6

Mei lùiwa echi'ma Jesus yensak tùuya yau, ittaitunpappù. Tese'muyok iwenappù itemlotopo.

Mark 5:8

(Sàlà teppù ya màlà masapùla Jesus uya, “Epakkakà, àli akkwalù, pùsà kàyik yapai!” te pàk.)

Luke 1:32

Eke pe iwechi màlà molopai, ‘ Eke Katù Mumu,’ tukaik yesatù màlà. Itepulu Katù uya màlà eke pata yesappe ima, itamo David wechippù kasa.

Luke 4:34

“Yà'là pe ina wechi iche messan, Jesus Nazareth pon? Ina mattanùsse na’ àuyàssak màlà? Eyittuyan Iulà, Àmàlà mùkkàlà wakù, Katù winàpaino!” tukaik.

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

Luke 8:28

Jesus yensak tùuya yau iwentaimeppù eke pe, iwekkawai'mappù Jesus yemloto po molopai “Jesus, eke kulu tùnamasen Katù Mumu! Yà'là pe wechi iche messan? Apawanattàyan iulà, kùtalumattài tàwà!” teppù ya.

John 20:31

Sàlà yamùk we'menukasak màlà ailon te kon pa Jesus wechi Christ pe molopai Katù Mumu pe pàk, molopai ailon tetok auya'nokon yai tàwàlàlà wema'nàtok yesappe ewechi kon màlà itesek yai.

Yeunossak kon Wotokoyi 16:17

Paul, molopai ina wenaimappù ya tùwentaimepàtù pe, “Pùsamlo kàyik yamùk mùkyamlo Eke kulu Katù yapyoto ton! Tok uya yà'là kasa là ewepùikattàtok kon ye'ma yekama màlà àpàkù'nokon!” tukaik.

Yeunossak kon Wotokoyi 19:13

Tùse tùulon kon Jew yamùk tùusalà kon pàk tùwessan molopai àli akkwalù yenpakkanài nan wechippù nàlà Jesus yesek yapulàiche màlà kuttoppe tùuya'nokon. Tok uya àli akkwalù pàk, “Epakkatàk kon nùkayan ina àpàkù'nokon Jesus, Paul nekamayai'nùk yesek yau,” teppù.

Yeunossak kon Wotokoyi 8:36

Asantawà tùutà kon pe tok uyàpùppù patassek tuna wettok yau yak, molopai Ethiopia pon itepulu uya, “Sàlà kunaik tuna. Yà'là uya ken uchi uyeleutanùpù usenpataukatok winàpai?” teppù.

Romans 16:20

Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no. Wakù pe we'nàtok kùyepulu Chisek winàpaino wechi apyau'nokon màlà.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

Hebrews 7:1

Pùsàlà Melchizedek wechippù màlà Salem kinù pe molopai Katù, paateleyi. Abraham wennappo kin yamùk tùkka tùpo yepoloppù ya màlà, màlàyau ipùlemappù ya.

James 2:19

Ailon tawonnan amyamlo tewinan neken Katù wechi molo pàk. Wakù pe man! Àli yakkwalù yamùk nàlà mùkyamlo ailon tawonnan, molopai ippla tùkùtùkù pe tùwettalippasan tùplànài'nùnsan.

2 Peter 2:4

Masapùla inchelù yamùk àli pe iwessak kon yenpàtù Katù uya pùn tok wepetoppe Ittuntok winàpai, tùse tok yenu'mappù ya, màlà motau tok wechi màlà yaulonsak pe ewalupàttau, Ittuntok Weyu màmuku pàk.

1 John 3:8

Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.

Jude 1:6

Inchelù yamùk ittutàk kon wapiyalok tùpatassek kon yau iwessak kon pen, tùse tùpatassek kon nànnài nan nùssan. Katù uya tok kussak màlà ewalupà yau, tok taulonse tàwàlàlà Eke Wei ponalà, tok talumattà toppe.

Revelation 12:12

Màlàpàk uchi atauchinpakà epùn, molopai amyamlo tamù'nawolon kon molo yau tùwemassan! Tùse àsà pe iwechi màlà non molopai palau pona! Masapùla Makui uttàsak man apyakù'nokon molopai iwanùssak man we'naikantok ke, masapùla mala kulu tùweyu wà'nànsak ittuyan,” teppù ya.