Mark 4:41 - Patamuna New Testament Revised

⁴¹ Tùse tok wettalipappù kulu màlà, “Ànù'là ken uchi pùsàlà kàyik? Assetun nàichi palau là wettok imaimu yawàlà!” teppù tok uya tùyiwalà'nokon.

Mark 4:41 Iomraidhean Croise

Matthew 14:32

Asakklàma tok wenukuppù màlà kanau yak molopai assetun weleutappù.

Matthew 8:27

Tamù'nawolon kon usenumenkasak wechippù màlà. “Yà'là yekkwa là ken uchi pùsàlà kàyik? Assetun nà molopai chipachipa là wettok imaimu yawàlà!” teppù tok uya.

Mark 4:40

“Yà'là pe ichi iwechi pàk mettalipayatàu? Ailon tetok auya'nokon pùla lùppù ka' messatàu lù? ” teppù Jesus uya tok pàk.

Mark 5:1

Jesus molopai ya'lon kon welepamùppù Galilee latoi pona Gerasa pon kon kùlottak.

Mark 5:33

Mùkkàlà nossan uya yà'là kasa tùwessak ituppù. Màlàyau iyàpùppù tùwetalipaik kùkùkù pe. Tese'mu yok iwenappù itta piyak. Tamù'nawolon tùnkupùppù yekamappù ya ipàk.

Mark 7:37

Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.

Luke 4:36

Tamù'nawolon kon usenumenkappù màlà. Molopai tok uya tùtonpa kon pàk, “Yà'là yekkwa ken sàlà usenupantok? Meluntà pe molopai apàikkek pe ku pùsàlà kàyik àli akkwalù wepakka toppe nekamai, molopai nepakkai!” teppù.

Luke 8:25

Màlàyau Jesus uya ta'lon kon pàk, “I'nai yailà ailon tetok auya'nokon nai?” teppù. Tùse tok usenumenkasak, molopai tok wettalipasak wechippù, molopai tok uya tùtonpa kon pàk “Ànùk ken uchi pùsàlà kàyik? Assetun molopai chipachipa yelupanài, molopai màlà yamùk là wettok imaimu yawàlà,” teppù.

Hebrews 12:28

Màlàpàk uchi tenki tepai'nokon Katù pàk, masapùla tùutattù'masen pen Katù wettok itepulu pe yepolo'nokon pàk. Màlà yai Katù yapulàpai'nokon man iche iwettok yawàlà, namantok pokonpe molopai usenalipantok pokonpe.

Revelation 15:4

Ànùk usenalipa pen ken àpàk Itepulu? Molopai ànùk uya ken eyesek yapulàtok nepù? Masapùla àmàlà neken mùkkàlà Wakù esukenan. Tamù'nawolon patassek yamùk yawon kon uyàpù màlà ayapulàse eyemlotopo, masapùla wakù iwalai ànkupù usenpoikasak man,” tukaik.