Mark 3:2 - Patamuna New Testament Revised

² Molo kappon yamùk wechippù, Chisek antalumattàpai nokon ikasa pùla iwechi pe tukaik. Tok wechippù Jesus yenupàkàlà ànù'là ipittù ya Wàlàka'nàtok weyu yattai yen toppe tùuya'nokon.

Mark 3:2 Iomraidhean Croise

Matthew 12:10

Kàyik wechippù màlà molo iwaipùtasak itemyatù. Molo kappon yamùk wechippù màlà àli pe Jesus winàkàik eselupapai nokon. Màlàpàk tok uya Jesus yekamappoppù, “Ina yenupatok yawàlà pùla ken na' iwechi màlà Jew yamùk Wàlàkkattok yattai ipittàn yau?” tukaik.

Mark 3:3

Jesus uya kàyik iwaipùtasak itemyatù pàk, “Àikkà sà motak yakkletak,” teppù.

Luke 14:1

Jew yamùk wàlàkkattok yattai Jesus utàppù màlà ata'lettàse eke ton tonpa Pharisee yùwùk tak. Molopai kappon yamùk wechippù itenupàkà kulu.

Luke 20:20

Màlàpàk yachitok tùuya'nokon yattai yeneiche tok wechippù. Kappon yamùk yeunokoppù tok uya màlà ailon pe tùwechi kon pe tukaik tok usennaka toppe. Jesus yachi tùuya'nokon pe tok uchittuppù yekamappopàttok yai, kopùna apàikkek molopai meluntà yemyak itùtoppe.

Luke 6:7

Tùulon kon Law pàk enupannan tonpa yamùk molopai Pharisee yamùk wechippù màlà iwalai pen kussan tukaik tùuselupatok kon Jesus winàkàik ittuiche. Màlàpàk tok wechippù itenupàkà ànù'là ipittà ya Jew yamùk wàlàkkattok weyu yattai yeneiche.

John 8:6

Wa tok uya yekamappoppù màlà yachitok tùuya'nokon iwinà pe, italumattàtok tùuya'nokon ipàkàlà pe. Tùse Jesus wepeimappù molopai non menukappù ya temyatù ke.

John 9:16

Tùulon kon Pharisee yamùk tonpa uya, “Pùsàlà kàyik wechi Katù winàpaino pe pùla man, masapùla Wàlàkka'nàtok weyu yeselu yawàlà pùla iwessak pàk,” teppù. Tùulon kon uya, “Yà'là kasa kulu ken uchi kàyik tùmakuyi yau tùwessen uya ittutok ipàkàlà kupù?” teppù. Ekkaichalà pùla tok usenumenkatok wechippù.