Mark 2:7 - Patamuna New Testament Revised

⁷ “Yà'là peichi iwechi pàk pùsàlà kàyik uselupa màlà Katù winàkàik tùwe'namaik pùla là? Ànù'là usentupa makui pàk pen màlà, tùse Katù neken,” teppù tok uya.

Mark 2:7 Iomraidhean Croise

Matthew 26:65

Màlà yau Eke kulu paatele uya tùpon kalakappù molopai, “Àli pe Katù winàkaik nùselupapàssan. Uselupantok tu'ma iche we'nà'nokon pùla man. Àli pe ichelupa metakappàssatàik!

Matthew 9:3

Màlàyau Law pàk enupannan tonpa yamùk uya tùkklottau' nokon, “Pùsàlà kàyik nùselupayan Katù winàkàik!” teppù.

Mark 14:64

“Metayatàik ichelupa Katù winàkàik tùwe'namaik pùla. Yà'là tukaik mesenumenkayatàu?” tukaik tok yekamapoppù ya. “Tamùkke nen uchi iwàtoppe tok uya yeya'nomappù.

Mark 2:6

Tùse molo tok wechippù màlà Law pàk enupannan chichiu pe tùusenumenka kon pàk tewan kon yau.

Mark 2:8

Màlà yattai Jesus uya amak yai tok usenumenkatok ittuppù. Màlàyau, “Yà'là pe iwechi pàk eusenumenka kon pàk messatàu màlà pàk?” teppù Jesus uya tok pàk.

Luke 5:21

Law pàk enupannan molopai Pharisee yamùk tawonnan wepyattàppù tùuselupa kon pàk tùyiwalà'nokon. “Ànùk ken pùsàlà kàyik Katù winàkàik nùselupayai'nùk sàlà kasa? Ànù'là tùusentupasen pùn àli kuttok pàk, tùse Katù neken!” tukaik.

Luke 7:49

Tùulon kon chichiu pe tùwessan kùyali yapon woi uya, “Ànùk ken pùsàlà àli kuttok pàk là tùusentupasen?” teppù.

John 10:33

Jew yamùk uya imaimu yeikuppù, “Eke wotoko kupù auya wenai ina wechi tàk ke àwàpai pen nai'nùk, tùse Katù talumattàpe meselupayai'nùk wenai. Masapùla kappon neken àmàlà, tùse Katù pe tukaik ewekkupù,” tukaik.

John 10:36

Katù uya uyanùnsak sàlà tùwotokoyi ku'nài pe, molopai uyeunossak ya sàlà non pona. Yà'là pe ken iwechi pàk, ‘Katù mùmotùnpayaik,’ te auya'nokon màlà masapùla, ‘Katù Mumu Iulà,’ te uya pàk?