Mark 2:5 - Patamuna New Testament Revised

⁵ Màlà yattai ailon tetok tok uya yene tùuya pàk, Jesus uya ittokkassak pàk, “Umu, amakuyi pàk usentupayaik,” teppù.

Mark 2:5 Iomraidhean Croise

Matthew 9:2

Molo kàyik yamùk uya iitokkassak kàyik nepùppù màlà, aittoupe itekkwek po. Jesus uya eke pe ailon tetok tok uya wechi yeneppù màlà, molopai iitokkassak kàyik pàk, “Emeluntàtakà, Umu! Amakuyi pàk usentupansak man,” teppù.

Matthew 9:22

Jesus welattàppù molopai yeneppù ya, molopai ipàk, “Emeluntàtakà, uyenchi! Ailon tetok auya uya eyipittàsak man,” teppù ya ipàk. Asse'ne màlà yattai nossan uchipittàppù màlà.

Matthew 9:5

“Sa'man pe ma'le ken na', ‘Amakuyi pàk usentupansak man,’ te nai, wapùla ka', ‘E'wuluukakà molopai asakà,’ te làkku lù?

Mark 2:6

Tùse molo tok wechippù màlà Law pàk enupannan chichiu pe tùusenumenka kon pàk tewan kon yau.

Mark 5:34

Jesus uya ipàk, “Uyenchi, ailon tetok auya uya eyipittàsak màlà. Itàkà wàlà'ka'nàtok yau, ittaimelunpatok pùla enakà,” teppù.

Luke 5:20

Eke pe ailon tetok tok uya wechi yensak tùuya yau, Jesus uya kàyik pàk, “ Àli kuttok auya pàk usentupansak man utonpa,” teppù.

Luke 8:48

Jesus uya wateppù ipàk, “Uyenchi, ailon tetok auya uya pàli’yau amasak man. Itàkà wàlàkka'nàtok yau,” teppù.

John 2:25

Ànù'là uya kappon yamùk pàk telupa iche pùla iwechippù, masapùla kappon yamùk yewan ittu tùuya pàk.

John 5:14

Màlà tùpo Jesus uya yepoloppù Katù yùwùk tau, molopai ipàk, “Masa yenkà! Ewennasak man. Àli kùkkupùi sàlà yentak, yattai pùla màlà yentaino wekkupù àpàk,” teppù ya.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 14:9

Molo Paul uselupa yeta pàk iwechippù. Paul uya tùuchipittà pàk ailon te ya yeneppù, màlàpàk itenupàkà iwechippù.

Yeunossak kon Wotokoyi 5:31

Molopai Katù uya iwuluukappù tùlaitanù yak, Itepulu pe molopai Pùikattànài pe. Kappon yamùk Israel pon kon welattàtoppe tùmakuyi kon winàpai. Tùmakuyi kon pàk usentuppantok yepotoppe tok uya.

1 Corinthians 11:30

Màlà kasaichi iwechipàk tukke e'neppe ewechi kon nai'nùk molopai attu'mùla molopai nàlà tùulon kon u'matùppù man.

2 Corinthians 2:10

Kappon pàk eusentuppa kon àli inkupùppù pàkànsau yau, ipàk nàlà usentuppa màlà. Usentuppasak ipàk lùppù wechi yau, usentuppasak màlà àpàkànsau'nokon Christ yemloto po.

Ephesians 2:8

Masapùla Katù wettok wakù pe winà ewepùikattàsak kon màlà ailon tetok auya'nokon yai. Eyiwalà'nokon ànkupùppù kon pen màlà tùse Katù uya lepantok.

Colossians 3:13

Eyeselu kon tùpàlikaik ettàk, molopai ànù'là kappon pàk esentupatàk, ànù'là àkklottawon kon usàulàmasak tùulon kon winàkàik yau. Ànù'là pàk mesentupatàik Itepulu Jesus usentupasak àpàkù'nokon nai'nùk kasa làma.

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.