Mark 2:1 - Patamuna New Testament Revised

¹ Tachinpe kulu tùpo pùla là (Tukke kulu wei tùpo pùla là) Jesus wennapposak wechippù Capernaum pona. Màlàyau itekale wechippù, “Iwemeichak man tùwùk tak,” tukaik.

Mark 2:1 Iomraidhean Croise

Matthew 4:13

Nazareth tùnànse itàppù Capernaum pona. Molo iwemappàtùppù palau Galilee piyawon Zebulun molopai Naphtali tawon yawon pata yau.

Matthew 9:1

Jesus wenukuppù màlà kanau yak, molopai iwennappoppù tuna kawà tùpatassek yak.

Mark 1:45

Tùse kàyik uselupappù ipàk tùutà pe eke pe kulu. Ichelupappù kulu màlà Jesus utà pata yak tene tùse yeselùkek pùla. Tùse tùkenan pata yawàlà neken nen uchi iichalàppù. Molopai kappon yamùk uyàpùppù ipyak tamù'nawà màlà yawolon pata yamùk yapai.

Mark 2:2

Màlà yattai là kapon yamùk wepilipùppù tukke. Tok patassek woton pùla iwechippù. Manatta yawàlà tok wechippù. Chisek wechippù màlà Katù Maimu yekama pàk tok pàk.

Mark 3:20

Ilinà kappon yamùk wepilittukkappù ipyak. Jesus molopai inenupa ton uta'letàtok yattai pùla iwechippù.

Mark 7:17

Màlà tùpo kappon yamùk tùnànse iwewonsak tapùi tak yau, inenupa ton uya yekamappopàtùppù ipantomù pàk.

Mark 7:24

Jesus utàppù pata Tyre piyawon kon pata yamùk yak. Tapùi tak iwewomùppù màlà molo molopai ànù'là uya molo tùwechi ittu iche pùla iwechippù màlà, tùse icho'namù pùla iwechippù.

Mark 9:28

Molopai Jesus wewonsak tapùi tak yau, inenupa ton uya yekamappoppù tewincha iwechi yau, “Yà'là pe iwechi pàk ina uya àli yakkwalù yenpakka pùla iwechi màlà?” tukaik.

Luke 4:23

Tok pàk, “Tùttuyaik yekamasak lùppù yekama auya'nokon upàk, ‘Ipitànài, echipittàkà,’ tawon. Molopai, ‘Màlà yamùk ànkupùppù Capernaum po lùppù ina netappù nàlà ikukkà apatasek yau,’ te nàlà auya'nokon màlà upàk.

Luke 5:18

Tùulon kon kàyik yamùk uyàpùppù molopai tok uya iitokassak kàyik nepùppù itekwek po, molopai tok wechippù yalàiche tapùi tak inonkase Jesus yemloto pona.

John 4:47

Jesus welepansak Judea poi Galilee pona yetasak tùuya yau, iitàppù ipyak molopai ipawanattàppù ya tùmu ipittàik iyàttoppe, iwelikù piyau iwechi pàk.

Yeunossak kon Wotokoyi 2:6

Sàlà tàwù yetasak tùuya'nokon yau, ilinà pe tok wepilipùppù. Masapùla ailon tawonnan uselupa yetasak tùuya'nokon tùmaimu kon, yau pàk tok usenumenkappù kulu.