Mark 13:9 - Patamuna New Testament Revised

⁹ “Tùse amyamlo enpen ettàk kon, ayachi kon màlà. Molopai eyippoppàtù kon màlà kappon yamùk wepilittok motau. Kappon yamùk yesak yamùk yemloto pona asalattà kon màlà upàkànsau, molopai kin yamùk yemloto pona tok pàk Wakù Itekale yekama kon pa.

Mark 13:9 Iomraidhean Croise

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Mark 1:44

“Masa yetakà, yà'làlà kùkai ànù'là pàk. Tùse itàkà eye'ma tawàlà esekamata paatele pàk. Molopai yà'làlà àntùlù itùta Moses uya yekamappù kasa, euchipittàsak molopai ewekolùkasak ittutoppe tamù'nawolon kon uya,” teppù Jesus uya ipàk.

Mark 13:5

Màlàyau Jesus uya tok pàk, “Enpen ettàk kon, ànù'là uya kasei pàk eyenkuttà kon tukaik, tukaik.

Mark 13:8

Pata uya màlà tùulon pata panta'ma, molopai pata yesak wepanta'ma màlà tùulon kon pata yesak pokonpe. Tùlùppùnù wechi màlà molo pata yamùk yawàlà, molopai iwan pe pata wechi. Tùwentusen wechi'mosak wapiya kulu kasa sàlà yamùk wechi màlà.

Mark 6:11

Ewelepansak kon pata yak yanùmù kappon yamùk uya pùla iwechi yau wapùla euselupa kon yeta tok uya pùla iwechi yau màlà pata mùnàntàik, inonù mùtu'metàik ata kon poi. Sàlà wechi màlà tok yekamappotok pe,” teppù Jesus uya tok pàk.

Luke 9:5

I'nailàlà kappon yamùk uya ayanùmù kon pùla iwechi yau, màlà pata mùnàntàik molopai non ipunuppù mùtu'metàik atta kon poi tok pàk àsà kan tà te pe,” teppù Jesus uya.

John 15:20

Ittutàk kon àpàkù'nokon ‘Apyoto mùkkàlà tepotolù yentaino pen,’ ” teppù uya. “Utalumattàsak tùuya'nokon yau, tok uya nàlà atalumattà kon màlà. Tenupatok kon uya yawàlà tùwechi kon yau, tok wechi nàlà màlà tenupatok auya'nokon yawàlà.

John 16:2

Tok uya eyenpakka kon màlà Jew yamùk wepilittok itak yamùk tapai. Wei nùyàssan ànù'là àwànài'nokon uya Katù ponaloppe tùwe'wotokoma kon pe tok uya yekama màlà.

Yeunossak kon Wotokoyi 21:11

Iyàpùppù ina piyak molopai Paul pokùlùyi mokkappù ya, tùtta molopai temyatù tawon yaulomùppù ya ike. Molopai: “Suwa nùkayan Wakù Akkwalù: ‘Sàlà pokùlù yesak yaulonpàtù màlà sàlà kasa Jew yamùk Jerusalem pon kon uya, molopai tok uya itùlù màlà Jew yamùk pen yemyak,’ ” teppù ya.

Yeunossak kon Wotokoyi 7:54

Iichelupa yetasak tùuya'nokon yau, Jew yamùk yepulu ton we'naikappù, molopai tùyà kon kàlàlài'mappù tok uya.

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

Philippians 1:29

Masapùla elepasak kon màlà Christ Jesus yapyoto pe ewettok kon ke, ailon tetok neken auya'nokon ipàk winà pùla, tùse nàlà ewettalumattàtok kon iponaloppe winà.

2 Thessalonians 1:5

Sàlàichi màlà ikasa Katù uya ittuntok wechi yekamanài. Itepeppù màlà, àkoneka kon ya wakù pe itepulu pe tùwettok yau tùwessan pe ewechi kon pa, màlà iponaloppe mettalumattàyatài'nùk.

2 John 1:8

Elanneppe ekkà tùttuik màlà itepeppe ewe'wotokomappù kon lachima auya'nokon tukaik, tùse eyepeppù kon yepolo kon pa tamù'nawàlà itonpappù pe là pùla.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.