Mark 13:3 - Patamuna New Testament Revised

³ Jesus wechippù màlà chichiu pe Olive Wùpù itesek po, Katù yùwùk yessumla, màlà yattai Peter, James John, molopai Andrew tawonnan uya yekamappoppù tùkkenan yai.

Mark 13:3 Iomraidhean Croise

Matthew 13:10

Màlàyau Jesus ya'lon kon uyàpùppù ipyak molopai tok uya yekamappoppù, “Yà'là pe ken iwechi pàk panton yapulànài àmàlà kappon yamùk yelupa auya yau?” tukaik.

Matthew 13:36

Màlàyau Jesus uya tukkan kon kappon yamùk nàmàppù molopai iitàppù tapùi tak. Ya'lon kon uyàpùppù ipyak molopai ipàk, “Ina pàk yekamakà yà'là yekama àlitta umà yawon pantomù uya,” teppù tok uya.

Matthew 17:1

6 pe wei tùpo Jesus uya Peter molopai echiyakonnon James molopai John tawonnan yalàppù ta'là, molopai tok utàppù kawon wùk pona tewincha.

Matthew 21:1

Jerusalem winàkàik tùuyàpù kon pe, Jesus molopai ya'lon kon uyàpùppù màlà Bethphage Olives Tùpù motawon pata motak. Molo Jesus uya asa'là ta'lon kon yeunokoppù wapiya.

Matthew 24:3

Jesus wechi chichiu pe Olive Tùpù po tùse, ya'lon kon uyàpùppù màlà ipyak amak yai. “Ina pàk yà'là yattai sàlà yamùk wekkupù yekamakà, molopai yà'là wekkupù àuyàpù winàkàik, molopai pata weyu wenukassak yekamanài pe,” teppù tok uya.

Mark 10:35

James molopai John tawonnan, Zebedee munkà yamùk uyàpùppù Jesus piyak, “Enupanài, molo nen mà ina ponaloppe ikupù auya iche ina wettok man tà,” teppù.

Mark 13:4

“Masa yekamakà ina pàk, yà'là yattai ken sàlà yamùk wechi molopai yà'là wechi yentok ipàkàlà pe sàlà yamùk wekkupù yau?” teppù tok uya.

Mark 14:33

Peter, James, molopai John tawonnan yalàppù ya ta'là. Eke pe kulu ittaimelunpatok molopai ichewankono'matok wechippù itewan yau.

Mark 4:34

Panton yai pùla là kappon yamùk yelupappù ya pen màlà. Tùse tùnenupa ton pàk neken nen uchi suwa te uya pe iwechi màlà tepàtùppù ya.

Mark 5:37

Ànù'là utà ta'là iche pùla iwechippù tùse Peter, James, molopai yakon John tawonnan neken utàppù ya'là.

Mark 9:2

6 pe wei tùpo Jesus uya Peter, James, John tawonnan yalàppù ta'là kawon wùk pona, tùmàlàpe'nokon neken tùwettokkon pe. Tok wechi itenupàkà tùse iwemyakanmappù tok yemlotopo.