Mark 12:1 - Patamuna New Testament Revised

¹ Jesus uya tok yelupappù panton yau, “Kàyik uya chi'nak itek kùyali Grape itesek, pàmàppù umà yau. Umà woi kulala tùlùppù ya. Non yakappù ya grape kakklàtok tùuya yen pe, molopai kau tapùi yamùppù ya kappon uya umà yene yùwùk woton. Màlàyau kàyik yamùk yepoloppù ya umà mainanpa toppe tok uya, molopai iitàppù tùulon pata yak.

Mark 12:1 Iomraidhean Croise

Matthew 13:3

Panton yamùk yapulàppù ya màlà tukke tok yelupa tùuya yau. “Tùwàppànsen wechippù màlà molo iitàsak tùnpàmà pànse.

Matthew 21:28

“Yà'là tukaik ken mesenumenkayatàu? Kàyik wechippù màlà molo asa'lon kon imu yamùk. Wapiyalok piyak iitàppù màlà molopai ipàk, ‘Umu, umà yak e'wotokomata sàlà pe,’ teppù ya.

Matthew 21:33

“Tùulon panton yetatàk kon,” teppù Jesus uya. “Pata yesak wechippù màlà molo, grape yekkwa pànnàippù. Kulala tùlùppù ya iwoi, molopai non yakappù ya kùyali yepelu grape kaklà tok tùuya yau pe. Kawon pata yentok ipoi yamùppù ya. Molopai umà tùlùppù ya imainanpannan pe tùnepolossan yemyak. Molopai iitàppù tùulon pata yak.

Matthew 21:34

Kùyali pilitok yattai iwechi yau, tapyoto yamùk yeunokoppù ya umà mainanpannan piyak tùponalok yepose.

Matthew 25:14

“Sàlà kasaichi itepulu pe we'nà wechi màlà. Kàyik tùpata nàmà pàk nekkusai'nùk kasa. Tapyoto ton kà'mappù ya molopai itesappe tùwettok tùlùppù ya tok yemyak imainanpatoppe tok uya.

Mark 11:33

Màlàyau tok uya Jesus maimu yeikuppù, “Ina uya ittu pùla man,” tukaik. Jesus uya tok pàk, “Yekama uya pen nàlà sàlà ànùk yapàikketù yau sàlà yamùk kupù uya,” teppù.

Mark 13:34

Sàlà wechi màlà kàyik utà mei te'ma tawà kasa. Tùpata nàmà tùuya yau tùpoitolù ton nàmà ya màlà tùpata mainanpanài pe. Tùpoitolù ton lepa ya tok wotokoyi ke. Molopai manatta yesak pàk, ‘Enpen mechik,’ teppù ya.

Mark 3:23

Màlàyau Jesus uya tok kà'mappù tùpyak, molopai panton yekamappù ya tok pàk. “Yà'là kasa ken Settan uya Settan yempakka?” tukaik tok yekamappoppù ya.

Mark 4:2

Molo echii'ma, tok yenupappù ya tukke tùpatalo'nan pàk panton ke. Tok yenupa tùuya yau,

Luke 15:13

Tukke kulu wei tùpo pùla imu yakon uya tamù'nawàlà tùponalok pilipùppù molopai iitàppù meyon pata yak, molo tùpùlayattayi yu'makappù ya àli pe tùwemattok yau.

Luke 19:12

Màlàpàk, “Tùnamasen kàyik wechippù màlà molo iitàsak lùppù meyon pata yak, kin pe tùma toppe, molopai iwennaposak lùppù.

Luke 22:9

“I'nailà ken uchi ina uya ikoneka iche messan?” tukaik tok uya yekamappoppù.

Luke 8:10

Jesus uya yeikuppù, “Katù wettok itepulu pe yau tùttusen pen ittutok auya ke elepasa'man. Tùse tùulon kon uya ittutok uyàpù màlà panton yai, tok uya tenu kon tùtoppe yenei'ma pùla, tok uya yeta toppe ittui'ma pùla,” tukaik. {ISA 6:9}

Yeunossak kon Wotokoyi 7:38

Moses mùkkàlà wontaik yau iwessak lùppù iwepilichak kon kappon yamùk pokonpe, kùtamo kon yamùk pokonpe iwechippù molo. Molopai inchelù tùpokon pe ichelupasak lùppù Sinai Tùpù po, Katù Maimu nulà nan yepoloppù ya tekamasen pe iwettoppe kùpàkù'nokon.