Mark 10:2 - Patamuna New Testament Revised

² Pharisee yamùk tonpa yamùk uyàpùppù ipyak yekamappopàsse ittuiche, “Masa ina pàk yekamakà, yà'là tawon ken Moses winàpaino kàyik uya tùnoppù nonka pàk?” tukaik.

Mark 10:2 Iomraidhean Croise

Matthew 15:12

Màlàyau Jesus ya'lon kon uyàpùppù ipyak molopai, “Pharisee yamùk wakùlipe pùla na' euselupasak mùttuyan?” teppù tok uya.

Matthew 16:1

Pharisee yamùk molopai Sadducee yamùk uyàpùppù màlà Jesus piyak. Tok wechippù màlà ittuiche, màlàpàk tok uya eke ton tùwekkussen yek pen kuttoppe ya yekamappoppù epùn poino pe tùwechi yekamanài pe.

Matthew 19:3

Pharisee yamùk tonpa yamùk uyàpùppù màlà Jesus piyak ittuse, tok uya yekamappoppù, “Enupantok yawàlà na' màlà kàyik uya tùnoppù nonka yà'làlà wenai wechi?” tukaik.

Matthew 22:35

Molopai tok tonpa, law pàk iichenupasak wechippù ittuiche ekamappontok ke.

Matthew 23:13

“Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.

Matthew 9:34

Tùse Pharisee yamùk uya, “Àli akkwalù yamùk yepulu uya màlà ilepa meluntà ke tok yenpakkatoppe ya,” teppù.

Mark 10:1

Màlà pata nàmàppù nen uchi Jesus uya molopai iitàppù Judea pona tuna Jordan pàk màwinàkàik. Kappon yamùk wepilittukkappù ipyak, molopai tok yenupappù ya tùwessek kasa là.

Mark 10:3

Jesus uya tok maimu yeikuppù, “Yà'là tukaik ken Moses uya yekamappù?” tukaik.

Mark 8:11

Pharisee yamùk uyàpùppù Jesus piyak molopai tok wepyattàppù tùusàulàma kon pàk. Tok wechippù anaachipai màlàyau tok uya yekamappoppù yà'làlà kuttoppe ya tùmeluntàlù epùn winàpaino ke, ewaik pe Katù yapàiketù yesappe iwechi yentoppe tùuya'nokon.

Mark 8:15

Jesus uya tok panamappù, “Tùttuik kan mettàik tà nalippe, Pharisee yamùk molopai Herod tawonnan yeselu pàk so'li konekanài nan pàk. Mùkyamlo yeselu (so'li pe) amattanùttakù'nokon,” tukaik.

Luke 11:39

Màlàpàk Jesus uya ipàk wateppù, “Amyamlo Pharisee yamùk mùkyamlo pùsau molopai palapi kukan nan polo po, tùse ayau'nokon àsà pe molopai àli pe we'nàtok ke awanùssak kon man.

Luke 16:14

Pharisee yamùk uya sàlà yamùk yetappù màlà, molopai tok wàkklàppù Jesus pàk italumattà pe, masapùla tùwakùli kon pe pùlayatta ku'nài nan pe tùwechi kon pàk.

Luke 5:30

Tùulon kon Pharisee yamùk molopai Law pàk enupannan yamùk usàulàmappù Jesus ya'lon kon pàk. “Yà'là pe iwechi pàk auta'lettà kon màlà pùlayatta pili'nài nan pokonpe molopai àli ton pokonpe?” tukaik.

Luke 6:7

Tùulon kon Law pàk enupannan tonpa yamùk molopai Pharisee yamùk wechippù màlà iwalai pen kussan tukaik tùuselupatok kon Jesus winàkàik ittuiche. Màlàpàk tok wechippù itenupàkà ànù'là ipittà ya Jew yamùk wàlàkkattok weyu yattai yeneiche.

Luke 7:30

Tùse Pharisee yamùk molopai Law pàk enupan nan uya Katù nùkupù tùponalok kon pe nulunpappù masapùla John nenpataukappù pe pùla tùwechi kon pàk.

John 11:47

Màlàyau paatele yamùk yennài nan molopai Pharisee yamùk uya Jew yamùk Yepulu ton pilipùppù, molopai tok pàk tok uya “Yà'là kupù'nokon sàlà? Pùsàlà kàyik tukke ittutok ipàkàlà woton kon kussan.

John 11:57

Paatele yamùk yennài nan molopai Pharisee yamùk uya “Ànù'là, Jesus wechi i'nailàlà ittunài uyàpù màlà ina pàk yekamaik, ina uya yachi toppe,” teppù.

John 7:32

Màlàyau Pharisee yamùk uya kappon yamùk usàulàma ipàk yetappù. Màlà yattai Eke ton paatele yamùk yepulu ton molopai Pharisee yamùk uya achinnan yeunokoppù yachiik.

John 7:48

“Ànù'là ken na' ina yepulu, wapùla tewinan nà Pharisee yamùk kùlottawon uya ailon tesak ipàk nai?

John 8:6

Wa tok uya yekamappoppù màlà yachitok tùuya'nokon iwinà pe, italumattàtok tùuya'nokon ipàkàlà pe. Tùse Jesus wepeimappù molopai non menukappù ya temyatù ke.

1 Corinthians 10:9

Ittuntok yak itepulu tùlù kùsettakù'nokon, tùulon kon uya ikupùppù kasa, molopai tok u'matùppù àkài yamùk kamo pe.