Mark 10:1 - Patamuna New Testament Revised

¹ Màlà pata nàmàppù nen uchi Jesus uya molopai iitàppù Judea pona tuna Jordan pàk màwinàkàik. Kappon yamùk wepilittukkappù ipyak, molopai tok yenupappù ya tùwessek kasa là.

Mark 10:1 Iomraidhean Croise

Matthew 26:55

Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Mark 1:21

Jesus molopai ya'lon kon uyàpùppù Capernaum pona. Wàlàka'nà weyu yattai synagogue tak iwewomùppù, molo tok yenupappù ya.

Mark 10:2

Pharisee yamùk tonpa yamùk uyàpùppù ipyak yekamappopàsse ittuiche, “Masa ina pàk yekamakà, yà'là tawon ken Moses winàpaino kàyik uya tùnoppù nonka pàk?” tukaik.

Mark 12:35

Jesus uya kappon yamùk yenupa Katù yùwùk tau yau, “Atta ken uchi iwechi pàk màlà Law pàk enupannan uya Christ mùkkàlà David pa te nai'nùk?” teppù.

Mark 14:49

“Wei kaichalà apyau'nokon wechippù Katù yùwùk tau eyenupa kon pàk, tùse uyachi auya'nokon pùn. Tùse sàlà wekkupù màlà Katù Maimu we'menukasak nai'nùk kasa,” teppù Jesus uya.

Mark 2:13

Jesus wennapo tukkappù Galilee tuna yena pona. Màlàyau tukkan kon wepilipùppù ipyak molopai tok yenupappù ya.

Mark 4:2

Molo echii'ma, tok yenupappù ya tukke tùpatalo'nan pàk panton ke. Tok yenupa tùuya yau,

Mark 6:2

Wàlàkka'nà weyu yattai, Jesus uya tok yenupappù synagogue tau. Tukke kappon yamùk wechippù màlà molo. Molopai yetasak tùuya'nokon yau tok usenumenkappù kulu màlà. “I'nai motau là ken uchi tamù'nawolon sàlà yamùk yepotai?” teppù tok uya. “Yà'là yekkwa ken uchi sàlà ittutok ke ilepasak nai'nùk? Tensan yekkwa pen nà kuttoppe ya,” teppù tok uya.

Mark 6:34

Tùwepalùka pe Jesus uya ilinà pe kappon yamùk yeneppù, màlàpàk Jesus usentupappù tok pàk, masapùla itesak pùnon kalinilu yamùk kasa tok wechi pàk. Tok yenupa pàk iwepyattàppù, tukkan yà'là yekkwa ton nà pàk.

Mark 6:6

Ichenumenkappù kulu màlà ailon tetok pùla tok wechi pàk. Tùpata woinokon pata yamùk yawàlà kappon yamùk yenupa pàk Jesus usalàppù.

John 10:40

Màlàyau Jesus wennappotu'mappù Jordan latoi pona, màlà patassek wapiya kulu John uya enpatauka'nàppà motak, molopai molo iwechippù.

John 11:7

Màlà tùpo Jesus uya tùnenupa ton pàk, “Utànpai'nokon tu'ma Judea pona,” teppù.

John 18:20

Jesus uya imaimu yeikuppù, “Uselupasak man ayupo wolù uya yeta tùse. Tàwàlàlà tok yenupappù uya màlà Jew yamùk wepilittok itak tau. Molopai Katù yùwùk tau, tamù'nawàlà Jew yamùk wepilittok yau, molopai uselupasak man amak yai pùla.