Mark 1:7 - Patamuna New Testament Revised

⁷ Itekale yekamappù ya, “Molo kàyik nùyàssan uye'mappù pàk ekeiwa uyentaino. Iulà là wepeima ittassa yewa yeukaik yentaino,” teppù ya.

Mark 1:7 Iomraidhean Croise

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Matthew 3:14

Tùse John wechippù Jesus uya tùusenumenkatok mùyakanmatoppe ikupùiche. “Usenpatauka làkku nen eppaino ewinà, tùse àuyàssak man upyak!” teppù ya.

Mark 1:6

John pon wechippù màlà camel itesek pùpok lùppù konekasak pe. Ipokùlùyi nàlà kamo pippà lùppù. Itok wechippù kailau molopai iteipa wan.

Mark 1:8

“Eyenpatauka kon uya nen tùwessen tuna ke, tùse eyenpatauka kon ya màlà Wakù Akkwalù ke,” teppù ya.

Luke 3:16

Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke.

John 1:27

Mùkkàlà uye'mappù nùyàssai'nùk wechi màlà ittassa yewa yeuka uya yeselùkek pùla,” tukaik.

Yeunossak kon Wotokoyi 13:25

Molopai tùwotokoyi yenuka'nùpù tùuya winàkàik tùwechi yau, John uya kappon yamùk pàk, ‘Ànùk pe ken kùyittuyatàu? Mùmàmussatài'nùk pen Iulà. Tùse Nùyàssan uye'mappù pàk, molopai ittasa yewa yeuka uya yentaino!’ teppù ya.

Yeunossak kon Wotokoyi 19:4

Paul uya: “John uya enpataukantok màlà mùkyamlo tùmakuyi kon winàpai iwelattàsak kon ponalok, molopai John uya yekamappù kappon yamùk pàk, ailon tetoppe tok uya te'mappù pàk tùuyàssen Jesus Christ pàk,” teppù.