Mark 1:44 - Patamuna New Testament Revised

⁴⁴ “Masa yetakà, yà'làlà kùkai ànù'là pàk. Tùse itàkà eye'ma tawàlà esekamata paatele pàk. Molopai yà'làlà àntùlù itùta Moses uya yekamappù kasa, euchipittàsak molopai ewekolùkasak ittutoppe tamù'nawolon kon uya,” teppù Jesus uya ipàk.

Mark 1:44 Iomraidhean Croise

Matthew 8:4

Màlàyau Jesus uya ipàk, “ Ànù'là pàk kùsekamai, tùse tossalà paatele piyak itàkà eyentoppe ya. Molopai Moses nekamappù lùppù àntùlù pe itùtà euchipittàsak yekama pe nen uchi tamù'nawolon kon pàk,” teppù.

Mark 1:43

Jesus uya àsà pe yelupappù molopai yeunokoppù ya, “Itàkàichi sàlà pe mailàlà tùusennakaik pùla,” tukaik. Yeunokoi'ma,

Luke 17:14

Jesus uya tok yeneppù màlà molopai tok pàk, “Itàtàk kon paatele uya eyentok kon pe,” teppù. Tok utà tùse tok uchipittàppù màlà wakù pe.

Luke 5:14

Jesus uya wateppù ipàk, “Ànù'là pàk sàlà kùsekamai tùse itàkà tossalà paatele piyak eyentoppe ya. Molopai tùtùsen mùtùlùik Moses uya wa teppù kasa kappon yamùk pàk euchipittàsak yekama pe,” tukaik.

Yeunossak kon Wotokoyi 23:22

Eke soicha yamùk yepulu uya, “Upàk sàlà yekamasak auya kùsekamai ànù'là pàk,” teppù, molopai umoine yeunokoppù ya.

Romans 15:4

Masapùla tamù'nawolon pena imenukasak lùssan màlà kùyenupatoppe ya imenukasak lùppù, pàlikantok molopai Katù Maimu uya ewan meluntàpatok yai enpen we'nàtok yepotoppe.

1 Corinthians 10:11

Sàlà yamùk wekkupùppù màlà yentok kùuya'nokon ipàkàlà pe, molopai màlà yamùk menukappù màlà kùyekamapponài'nokon pe. Masapùla wema'nà'nokon man pata weyu wenukattok uyàpù winàkàik iwechi yau.