Luke 9:7 - Patamuna New Testament Revised

⁷ Herod, Galilee yepulu, uya tamù'nawolon tùwekkussan yetappù. Itaimelunpasak wechippù kulu sàlà pàk, masapùla kappon yamùk uya, “Enpataukanài John wennappokasak pàli'yau man,” tesak pàk.

Luke 9:7 Iomraidhean Croise

Matthew 11:2

Patikichi tau echii'ma Christ wotokoyi yekale yetasak tùuya yau, John Enpataukanài uya, ta'lon kon tonpa yamùk yeunokoppù ipyak.

Mark 8:28

“Tùulon kon uya John Enpataukanài pe ewechi” te màlà. “Tùulon kon uya Elijah te. Tùse tùulon kon uya Katù Maimu yenpoikanài tonpa pe eyesatù màlà,” teppù tok uya Jesus pàk.

Luke 13:31

Màlà yattai Pharisee yamùk tonpa yamùk uyàpùppù màlà Jesus piyak. Molopai Jesus pàk, “Sàlà motapai itàkà tùulon yailà, masapùla Herod àwàpai man,” teppù tok uya.

Luke 21:25

“Yentok ipàkàlà wechi màlà wei yau, kapùi molopai chilùkà yamùk yau. Non po, tamù'nawolon pata yamùk wechi màlà usewankono'mantok yau, palau tàwù molopai meluntà chipachipa tawon uya tok yenalippa màlà.

Luke 23:7

Herod wettok itepulu pe pata, yapaino pe Jesus wechi ittusak tùuya yau, Pilate uya Jesus yeunokoppù Herod piyak. Herod wechippù nàlà màlà Jerusalem po màlà yattai.

Luke 3:1

15 pe kilichimochi iwechippù màlà Tiberius Caesar wechi itepulu pe yattai, Pontius Pilate wechippù Judea po kopùna pe. Herod wechippù Galilee yepulu pe, molopai yakon Philip wechippù Itturea molopai Trachonitis yawolon kon pata yepulu pe. Molopai Lysanias wechippù Abilene yepulu pe, Annas molopai Caiaphas wechippù Eke ton paatele yamùk yepulu pe. Màlà yattai Katù Maimu uyàpùppù John, Zachariah mumu piyak, wontaik yau.

Luke 9:19

“Tùulon kon Enpataukanài John tawonnan àpàk. Tùulon kon Elijah tawonnan, tùulon kon Katù Maimu yenpoikannan tonpa penalok lùppù wennappokasak tawonnan,” tukaik tok uya yeikuppù.