Luke 9:44 - Patamuna New Testament Revised

⁴⁴ “Yekama pàk wekkussai’nùk kùpputtàka'nùttàu! Kàyik Mumu tùlù màlà kappon yamùk meluntàlù yemyak,” tesak ya pàk.

Luke 9:44 Iomraidhean Croise

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Matthew 26:2

“Mùttuyatàik, asa'là wei tùpo Usentaka'nàppà Yattai Uta'lettàntok wechi, molopai Kàyik Mumu tùlù màlà ipukapàttoppe pulusuk pona.”

Mark 8:31

Jesus wepyattàppù tùnenupa ton yenupa pàk, “Kàyik Mumu talumattàtok woton àsà pe. Tùnamasan itepulu yamùk, paatele yamùk yepulu yamùk, molopai Law pàk enupanài nan uya italumayippù pe inonkatok woton. Iwàtok woton, tùse iwe'wuluukatok woton àsolùwau wei tùpo,” tukaik.

Mark 9:31

masapùla tùnenupa ton yenupa pàk iwechippù. “Kàyik Mumu tùlù màlà kappon yamùk yemyak. Tok uya iwànà màlà, tùse kan àsolùwau wei tùpo iwe'wuluuka màlà tà,” tukaik.

Luke 1:66

Tamù'nawolon kon sàlà yetan nan nùssan usenumenkappù ipàk molopai tok usekamappopàtùppù, “Ànùk pe ken uchi pùsàlà mule wechi kupù màlà?” tukaik. Masapùla wakù pe Itepulu Katù meluntàlù wechi yau useneppù kulu màlà.

Luke 18:31

esus uya 12 pan kon ta'lon kon yamappù molopai tok pàk, “Yetatàk kon! Utànnokon sàlà Jerusalem pona tamù'nawolon Katù Maimu yenpoikannan nùmenkappù Kàyik Mumu pàk wekkutok ailon pe yak.

Luke 2:19

Tùse Mary uya sàlà yamùk kupùppù tewan yau, molopai ichenumenkappù kulu ipàk eke pe.

Luke 2:51

Màlàyau Jesus wennapoppù tok ya'là Nazareth pona. Màlà motau tok maimu yawàlà iwechippù. Ichan uya tamù'nawàlà sàlà yamùk kupùppù tewan yau.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

Luke 9:22

“Kàyik Mumu wettalumattà màlà eke pe, molopai eke ton tùnamasan uya inulunpa màlà. paatele yamùk yepulu ton, molopai Law pàk enupannan uya inulunpa màlà. Iwànà màlà molopai iwe’wuluuka màlà icholùwano wei yattai,” teppù ya tok pàk.

John 16:31

Jesus uya tok maimu yeikuppù, “Ailon mùkapàssatàik nen uchi sàlà pe!

John 16:4

Sàlà yekamappù uya àpàkù'nokon, iweyu uyàssak yau ittu kon pa, màlà yamùk àpàkù'nokon unekamapù lùssan, sàlà yamùk yekama uya pùn àpàkù'nokon wapiya masapùla apyau'nokon wechi pàk.” teppù Jesus uya.

John 19:11

Jesus uya imaimu yeikuppù, “Ayapàikketù pùla iwechi màlà uyepoi kau pai eyemyak itùsak pùla iwechi yau. Mùkkàlà utùnàippù apyak ittu màlà àli pe eke makui inkuppù pàk,” tukaik.

Yeunossak kon Wotokoyi 2:23

Katù uya sà kasa wak nechiitta tetok tùuya yau, molopai ittutok tùuya yau, Jesus tùlùppù eyemyakù'nokon. Molopai iwànàppù auya'nokon, àli ton kappon yamùk uya tàwà ipukapàttoppe pulusuk pona ikupùppù auya'nokon.

Hebrews 2:1

Màlàpàk uchi yetasak lùppù pàk ailon te pai'nokon man sa'man pe lùiwa, iwinàpai utaman'nokon tukaik.