Luke 9:43 - Patamuna New Testament Revised

⁴³ Tamù'nawolon kon kappon yamùk usenumenkasak wechippù màlà Katù meluntàlù pàk. Kappon yamùk wechippù màlà tùusenumenka kon pàk lùppù tamù'nawolon Jesus nùkupù pàk, ta'lon kon pàk suwa tesak ya yau,

Luke 9:43 Iomraidhean Croise

Matthew 17:22

Ta'lon kon uyàssak tamù'nawàlà tamùkke Galilee po yau, Jesus uya tok pàk, “Kàyik Mumu tùlù màlà kappon yamùk yemyak.

Mark 6:51

Tok piyak iwenukuppù kanau yak molopai assetun wàttù'nàppù màlà. Inenupa ton usenumenkappù kulu màlà, ichelupa pùla tùwenaik.

Luke 18:43

Màlà yattai asse'ne yeneppù ya màlà molopai Jesus ya'là iitàppù, tenki te pe Katù pàk. Yensak tùuya'nokon yau, tamù'nawàlà tukkan kon kappon yamùk uya Katù yapulàppù màlà.

Luke 4:36

Tamù'nawolon kon usenumenkappù màlà. Molopai tok uya tùtonpa kon pàk, “Yà'là yekkwa ken sàlà usenupantok? Meluntà pe molopai apàikkek pe ku pùsàlà kàyik àli akkwalù wepakka toppe nekamai, molopai nepakkai!” teppù.

Luke 5:26

Tamù'nawàlà tok usenumenkasak kulu wechippù màlà! Tùusenalippa kon kùlottau là, tok uya Katù yapulàppù màlà, “Enumenkanài nan yene' nokon nechii sàlà pe!” tukaik.

Luke 5:9

Mùkkàlà molopai tamù'nawolon kon itonpa yamùk usenumenkappù kulu màlà tukke molok yamùk yachisak tùuya'nokon pàk.

Luke 8:25

Màlàyau Jesus uya ta'lon kon pàk, “I'nai yailà ailon tetok auya'nokon nai?” teppù. Tùse tok usenumenkasak, molopai tok wettalipasak wechippù, molopai tok uya tùtonpa kon pàk “Ànùk ken uchi pùsàlà kàyik? Assetun molopai chipachipa yelupanài, molopai màlà yamùk là wettok imaimu yawàlà,” teppù.

Luke 9:42

Walawok muleppù uyàpù tùse, àli akkwalù uya ikawai'mappù non pona, iicha'mantappù. Tùse Jesus uya àli akkwalù yapyontàppù iwepakka toppe. Walawok muleppù ipittàppù ya molopai innapoppù ya nen uchi ikàipùnù yemyak.

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.