Luke 9:18 - Patamuna New Testament Revised

¹⁸ Tewin tekwa là Jesus wàpùlema tewincha tùse, ya'lon kon uyàpùppù ipyak. “Ànùk tawonnan ken kappon yamùk upàk?” tukaik tok yekamappoppù ya.

Luke 9:18 Iomraidhean Croise

Matthew 14:23

Kappon yamùk yeunoko tùpo iitàppù màlà ikklù pona tewincha, àpùlemase. Ko'man pe iwenakasak tùse Jesus wechippù molo tewincha.

Matthew 26:36

Màlàyau Jesus utàppù màlà ta'lon kon pokonpe Gethsemane yak, molopai tok pàk, “Masa talà chichiu pe ettàk kon, miya àpùlemase utà tùse,” teppù ya.

Luke 11:1

Tewin wei yattai Jesus wechippù tùwàpùlema pàk pata yau. Iwenukassak yau ya'lon kon tonpa uya ipàk, “Ityepulu, ina yenupakà wàpùlemantok pàk, John uya ta'lon kon yenupappù kasa,” teppù.

Luke 3:21

Tamù'nawàlà kappon yamùk usenpatauka tùpo Jesus usenpataukappù nàlà. Jesus wàpùlema tùse kak utakkokappù màlà.

Luke 6:12

Màlà yattai Jesus utàppù wùk pona àpùlemase, iwàpùlemappù pata temakkwase.

Luke 9:19

“Tùulon kon Enpataukanài John tawonnan àpàk. Tùulon kon Elijah tawonnan, tùulon kon Katù Maimu yenpoikannan tonpa penalok lùppù wennappokasak tawonnan,” tukaik tok uya yeikuppù.

Luke 9:28

8 pe wei tùpo sàlà yamùk pàk tùuselupa tùpo, Jesus uya Peter, John molopai James tawonnan yalàppù ta'là. Iitàppù àpùlemase wùk pona.

Luke 9:29

Iwàpùlema tùse itenpata wemyakanmappù màlà molopai ipon wenappù aimu'ne akkwa pe, liuliu pe.