Luke 9:12 - Patamuna New Testament Revised

¹² Wei wewonkapù kùlottau, 12 pan kon ya'lon kon uyàpùppù ipyak. Molopai, “Kappon yamùk yeunokkà pata yamùk molopai umà yamùk sàlà tawolon kon nà yak, tok utàtoppe teipa kon yepose molopai tùwe'nùntok kon patassek woton yepose. Masapùla sàlà pata màlà tùkkenan, ” teppù tok uya.

Luke 9:12 Iomraidhean Croise

Matthew 14:13

Màlà yekale lùppù yetasak tùuya yau, màlà pata nàmàppù Jesus uya kanau yau molopai iitàppù tùkkenan pata yak tewincha. Kappon yamùk uya yetappù màlà. Màlàyau tùpata kon nàmàppù tok uya, molopai tok utàppù ite'mappù pàk a'mun polo.

Matthew 15:23

Tùse Jesus uya yà'là teppù ipàk pen màlà. Ya'lon kon uyàpùppù ipyak molopai ipawanattàppù tok uya, “Yeunokà! Kùwenaimayan molopai eke pe nentaimepàssan!” tukaik.

Matthew 15:32

Jesus uya màlà ta'lon kon kà'mappù tùpyak molopai, “Usentuppayaik pùsamlo kappon yamùk pàk, masapùla upyau tok wessak man àsolùwau wei molopai tok nùnapù woton pùla man. Molopai tok tewesse pùla tok eneunoppai pùla wessaik, masapùla nen yattai pùla tok wenpulumanpàtù te'ma kon tau,” teppù ya.

Luke 9:11

Yetasak tùuya'nokon yau tukkan kon kappon yamùk uya iwenaimappù. Tok yanùmùppù ya tùutauchinpaik. Tok yelupappù ya, Katù wettok itepulu pe pàk, molopai mùkyamlo tipittà kon iche tùwessan ipittàppù ya.

Luke 9:13

Tùse Jesus uya tok pàk, “Amyamlo pe tok yewettàk kon,” teppù. “Mùyak etoikenan neken eki molopai asa'lon kon molok yamùk tawon neken ina piyau man. Kùyali ye'mase ina utà pùsamlo tukkan kon kappon yamùk ponaloppe?” teppù ya'lon kon uya.

John 6:1

Tachinpe pùla sàlà tùpo Jesus ukklàtùppù palau Galilee latoi pona, palau Tiberias pe nàlà tùttusen.

Philippians 1:19

Masapùla tùttuyaik àwàpùlematok kon molopai pùikattàntok Jesus Christ Yakkwalù nùtùlùppù winà sàlà yamùk yau wessai'nùk welattà màlà unonkatok pe.