Luke 9:1 - Patamuna New Testament Revised

¹ Jesus uya 12 pan kon ta'lon kon kà'mappù tamùkke. Molopai tok lepappù ya meluntà molopai apàikkek ke, tamù'nawàlà àli akkwalù yamùk yenpakka toppe tok uya, molopai palan ipittà toppe tok uya.

Luke 9:1 Iomraidhean Croise

Matthew 16:19

Molopai itepulu pe we'nàtok epùn po yakkokatok kon ke elepa uya màlà. Yà'làlà ànnulunpa non po nulunpa màlà epùn po, molopai yà'làlà ananùmù non po yanùmù màlà epùn po” teppù Jesus uya.

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Matthew 8:9

“Iulà nàlà mùkkàlà eke ton yapàikketù yokoik itùsak lùppù, molopai soicha yamùk molo man uyo'non kon. Pùsà yapyontànài Iulà, ‘Itàkà!’ tukaik, molopai tùutàsen mùkkàlà. Mùkklà pàk, ‘Àikkà!’ tawon Iulà, molopai tùuyàssen mùkkàlà. Molopai uyapyoto pàk, ‘Sà ikukkà,’ tawon Iulà, molopai iku'nài mùkkàlà,” teppù ya Jesus pàk.

Luke 10:1

Sàlà tùpo Itepulu uya tùulon kon kàyik yamùk yanùmùppù 72 pe. Molopai tok yeunokoppù ya asa'là'ne, tùwapiya tok utàtoppe tamù'nawàlà pata yamùk tùutàtok yak woton kon yak.

Luke 10:19

Apàikkek ke elepasak kon uya man, àkài yamùk polo ausalà kon pa, molopai malità yamùk polo, molopai tamù'nawolon eya'nomanài yapàikketù yepoi ewechi kon pa. Yà'làlà uya amattanùpù kon pen màlà.

John 14:12

Ailon kulu sàlà, ànù'là ailon nùkayai'nùk upàk uya nàlà tùkussai'nùk kupù màlà. Sàlà yamùk yentaino kon nùiwa là kupù ya màlà. Masapùla Ukàipùnù piyak utà sàlà.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 3:16

Jesus yesek meluntàlù uya màlà pùsàlà tùusasen pen kàyik lepasak nai'nùk imeluntàlù ke. Menyatài'nùk molopai mùttuyattài'nùk wekkussak màlà ailon tetok itesek pàk yai. Ailon tetok Jesus pàk uya màlà pùsàlà ipittàkassak sàlà kasa eyemloto kon po.

Yeunossak kon Wotokoyi 4:30

Eyemyatù yenkakà, ipittànse, molopai yà'làlà wakù wapiya yensak lùppù pen enumenkannan wekkutoppe ikukkà, wakù kulu ayapyoto Jesus yesek yai,” teppù tok uya Katù pàk.

Yeunossak kon Wotokoyi 9:34

“Aeneas, Jesus Christ uya eyipittà màlà. E'wuluukakà molopai eyekwek ikonekakà,” teppù Peter uya ipàk. Asse'ne Aeneas we'wuluukappù.