Luke 8:8 - Patamuna New Testament Revised

⁸ Molopai tùulon kon wessolokappù wakù non yak. Iwattappù molopai iwepetappù 100 pe'ne.” Molopai Jesus uya, “Yetatàk kon uchi, tùpana ke ewechi kon yau!” teppù.

Luke 8:8 Iomraidhean Croise

Matthew 11:15

Yetatàk kon uchi, tùpana ke ewechi kon yau!” teppù Jesus uya.

Matthew 13:23

Molopai ipànsak lùppù wakù non yak mùkyamlo Katù Maimu yetannan molopai ittunnan, tùwepetasan mùkyamlo tùulon kon 100 pe là, tùulon kon 60 pe, molopai tùulon kon 30 pe là,” teppù Jesus uya tok pàk.

Mark 4:20

Tùse tùulon kon kappon yamùk wechi màlà wakù itùmun konekasak yak ipànsak kasa. Katù Maimu yeta tok uya. Yanùmù tok uya tewan kon yak. Tok wepeta nen uchi, tùulon 30 pe kaichalà, tùulon 60 pe kaichalà, molopai tùulon 100 pe kaichalà,” teppù Jesus uya tok pàk.

Mark 4:23

Yetatàk kon uchi, tùpana ke ewechi kon yau, yetatàk kon!

Mark 4:8

Tùulon kon wessolokappù màlà wakù non yak, iwenuttappù iwattappù iichemokkappù molopai iwepetappù wakù pe. Tewin itenapà inpàmàppù wepetappù tukke nen uchi, 30 pe kaichalà itepelu, tùulon wepetappù 60 pe kaichalà itepelu, tùulon wepetappù 100 pe kaichalà itepelu,” teppù.

Mark 7:16

“Yetatàk kon, tùpana ke ewechi kon yau, yetatàk,” teppù Jesus uya.

Luke 14:35

Wakù pe là non pona iwechi pen màlà, wapùla non po'mayi pe là wakù pe iwechi pen, tenu'masen màlà. Yetatàk kon tùpana ke ewechi kon yau!” teppù Jesus uya.

Luke 8:15

Tùpànsen iwepukasak lùppù wakù non yak màlà uya yekama nai'nùk, mùkyamlo itekale yetan nan, iku'nài nan wakù pe, yawolon kon nà tewan kon yau, ailon pe tùwessan tùwepeta kon ponalà,” teppù Jesus uya.

Luke 8:7

Tùulon kon wessolokappù àmà’nàttak, iwattappù màlà tùse àlitta uya yeulankappù.

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

Revelation 13:9

“Tùpana ke nai'nùk, tàwà netai.

Revelation 2:11

“Tàwà tùpana ke nai'nùk netai, Wakù Akkwalù uya sochi yamùk yelupatok.” “Mùkyamlo entaikan nan nùssan umatta yakon itekkwa pe weli'nàtok ke pen màlà.”

Revelation 2:7

“Tàwà tùpana ke nai'nùk Wakù Akkwalù uya Sochi yamùk yelupatok yetai. Mùkyamlo entaikannannùssan uya, nulà ku'nài kùyali yepelu nattoppe ikupù uya màlà, màlà iwattasak Katù tumà yau,” teppù ya.

Revelation 3:13

“Tàwà tùpana ke nai'nùk, Wakù Akkwalù uya Sochi yamùk yelupatok yetai.”

Revelation 3:6

“Tàwà tùpana ke nai'nùk Wakù Akkwalù uya Sochi yamùk yelupatok yetai.”