Luke 8:44 - Patamuna New Testament Revised

⁴⁴ Iyàpùppù màlà tukkan kon kappon yamùk kùlottau Jesus mùpoi winà molopai ipon yepi yappàtùppù ya, molopai inmùta weleutappù tewinanpa.

Luke 8:44 Iomraidhean Croise

Matthew 20:34

Jesus usentuppappù tok pàk molopai tok yenu yappàtùppù ya. Màlà yattai là tok uya pata yeneppù, molopai tok utàppù Jesus ya'là.

Matthew 8:3

Jesus uya temyatù yenkappù iwinàkàik molopai yappàtùppù ya. “Eyipittàpai wessaik. Wakù peichi enakà,” tukaik yeikuppù ya. Tewinanpa màlà yattai àsà ipippà wenappù wakù pe.

Matthew 9:20

Màlà yattai nossan àsà pe tùumùnta pàk iwessak 12 pe kilichimochi, uyàpùppù màlà Jesus mùpoi winà molopai ipon yepi yappàtùppù ya.

Mark 6:56

I'nailàlà Jesus utàsak yau, pata yamùk lùkwà pona wapùla eke pata yak, wapùla umà yak là yau, kappon yamùk uya e'nek ton nepùppù màlà, yà'làlà chilanmatok molopai yà'làlà ye'matok motak. Molopai Jesus pawanatàppù tok uya ipon yeppi neken nà yappàttoppe tok uya iku toppe ya. Molopai tamù'nawolon kon ipon yeppi yappà'nài nan nùssan uchipittàppù màlà.

Luke 13:13

Temyatù nonkappù ya ipona. Màlàyau asse'ne màlà yattai iwettossalonokkappù molopai Katù yapulàppù ya.

Luke 7:38

Molopai satippe iwechippù Jesus mùpoi winà, itta piyau, tùkalawù pàk. Molopai itta yaiku'mappù ya tenu palu ke. Ya'munakkappù ya tùnsek ke molopai itta yamùk kismappù ya. Molopai apoi'nan kalapa mappù ya ipona.

Luke 8:43

Nossan wechippù màlà molo 12 pe kaichalà kilichimochi tùwettalumattà pàk iwessak, àsà pe mùn pàk. Tamù'nawàlà tùpùlayattayi yu'makappù ya màlà ipittànnan ye'ma toppe tùuya, tùse ànù'là uya ipittà pùla iwechippù.

Luke 8:45

Jesus uya tok yekamappoppù, “Ànùk uyappàtùi?” tukaik. Tamù'nawolon kon uya iulà pen, teppù. Molopai Peter uya, “Itepulu, kappon yamùk àwoi man molopai tok nùselemlussan àpona,” teppù.

John 5:13

Tùse kàyik iichipittàsak lùppù uya ànùk pe ittu pùla iwechippù, masapùla Jesus utàppù wechippù màlà asse'ne tukkan kon kappon yamùk molo tùwessan kùlottak.

Yeunossak kon Wotokoyi 19:12

Paul yappà'nàinanùssan enkicha yamùk molopai pon yamùk yalàppù màlà e'nek ton piyak, màlàyau tok yepalan uchipittàppù màlà molopai àli akkwalù yamùk wepakkappù màlà tok yapai.

Yeunossak kon Wotokoyi 5:15

Wa iwechi pàk, kappon yamùk uya e'nek ton nepùppù asantak molopai tok nonkappù tok uya tok yapon yamùk po, Peter yakkwalùppù uya neken nà tok yappàttoppe iità yattai.