Luke 8:2 - Patamuna New Testament Revised

² Tùulon kon nossan yamùk iichipittàsak kon nùssan àli akkwalù yamùk winàpai molopai palan winàpai, utàppù nàlà màlà ya'là. Mary, Magdalene itesek, utàppù màlà ya'là. 7 pan kon àli akkwalù yamùk yenpakkappù yapai lùppù mùkkàlà.

Luke 8:2 Iomraidhean Croise

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Mark 16:1

Jew yamùk Wàlàkkapù weyu usentakasak yau, Mary Magdala pon, molopai Salome, molopai Mary James yan tawonnan uya apoi'nan kalapa ye'mappù, Jesus yàkàppù kalapaimaik tùutà tok kon pe.

Mark 16:9

Ko'làma kulu Suntayaka yattai tùwe'wuluuka tùpo, màlà wei yattai, Jesus usenpoikappù wapiya kulu Mary Magdala pon piyak. Mùkkàlà 7 kaichalon kon àli akkwalù yenpakkappù tùuya lùppù yapai piyak. Nossan yamùk utàppù màlà Peter molopai itonpa yamùk piyak molopai malalà tamù'nawàlà itekale tùpàk kù'nokon yekamasak lùppù yekamappù tok uya tok pàk.

Luke 23:27

Tukkan kon kappon yamùk utàppù màlà ya'là, tok kùlottau nossan yamùk wechippù màlà tùkalawù kon pàk, molopai tùwentaimepàtù kon pàk tùwessan Jesus wenai.

Luke 23:49

Tamù'nawolon kon wakù pe kulu Jesus ittun nan, molopai nossan yamùk ipàkàlà iitàsak kon Galilee poi wechippù mei satippe, sàlà yamùk yene pàk.

Luke 23:55

Nossan yamùk Jesus ya'là iyàssak kon Galilee poi utàppù màlà Joseph ya'là molopai uluwaik yeneppù tok uya molopai yà'là kasa là Jesus yàkàpù nonka sak yak.

Luke 8:30

Jesus uya yekamappoppù, “Ànùk ken eyesek?” tukaik. “Uyesek màlà Legion,” tukaik, yeikuppù ya, masapùla tukke àli akkwalù yamùk wewonsak wechippù yak.

John 19:25

Molo Jesus pukapàttok ipona pulusuk piyau satippe ichan wechippù, molopai ichan yakon, Mary Clopas noppù, molopai Mary Magdalene.

Yeunossak kon Wotokoyi 1:14

Tok wepilippàtùppù tamùkke echipalà àpùlemase, tamùkke nossan yamùk pokonpe, Mary là Jesus yan molopai Jesus yakon non tukaik.