Luke 8:18 - Patamuna New Testament Revised

¹⁸ “Tùttuseichi ettàk kon, yeta auya'nokon yau. Masapùla ànù'là yà'làlà yesak lepa màlà eke peiwa, tùse ànù'là ipla nai'nùk winàpai malalonnà itesak pe tùwechi pe inekama mokka màlà,” teppù Jesus uya.

Luke 8:18 Iomraidhean Croise

Matthew 13:12

“Masapùla kappon yà'là là yesak lepa màlà eke peiwa, eke peiwa nen uchi itesak pe tùwechi yentai itesak pe iwettoppe. Tùse mùkkàlà yà'là pùla nai'nùk winàpai malalon itesappe iwettok mokka màlà.

Matthew 25:29

Masapùla yà'làlà yesappe tùwessen, lepa màlà eke peiwa, molopai nen uchi eke pe itesappe iwechi màlà, tùse mùkkàlà yà'là pùla nai'nùk, winàpai malalon nà itesappe iwettok mokka màlà.

Mark 13:14

“Katù yewanma pe nai'nùk Mattantok ku'nài yene auya'nokon yau tùpatassek pen yau, tàwà Katù Maimu yennài nùttui. Molopai mùkyamlo Judea po tùwessan nepeik wùk yamùk pona.

Luke 19:26

‘Tekamayaik àpàkù'nokon tamù'nawolon kon yà'làlà yesak ton yemyak eke peiwa itùlù màlà. Tùse mùkkàlà yà'làlà yesak pen winàpai malalon lànen itesak pe iwettok mokka màlà.

Luke 9:44

“Yekama pàk wekkussai’nùk kùpputtàka'nùttàu! Kàyik Mumu tùlù màlà kappon yamùk meluntàlù yemyak,” tesak ya pàk.

John 15:2

“Upanta pe nai'nùk tùwepetasen pen, yattàpàtù ya màlà. Molopai tùwepetasen koneka ya màlà wakù pe tukkeiwa iwepeta toppe.

Yeunossak kon Wotokoyi 10:33

Màlàpàk asse'ne eyennài nan teunottai, molopai wakù pe kulu ewessak man àuyàpù pàk. Sàlà pe nen uchi tamù'nawàlà talà we'nà man Katù yemloto po, yà'làlà Itepulu Katù nekamappù yekamapa, màmuku pàk yeta toppe,” teppù ya Peter pàk.

Yeunossak kon Wotokoyi 17:11

Molo kappon yamùk wechippù wakù pe ittunnan Thessalonica pon kon yentaino kon. Tok uya itekale yetappù màlà ànùttupai kulu tok wechippù, molopai wei kaichalà tok usenupappù màlà Katù Maimu pàk, Paul nekamappù wechi ailon pe kulu yentoppe tùuya'nokon.

Romans 12:3

Masapùla Katù uya ulepatok wakù pàkànsau eyelupa kon uya sàlà. Ànù'là yentai ewechi kon pe kùsekamatàu. Tùse esenumenkatàk kon kulu molopai echittutàk kon esentàk ailon tetok auya'nokon Katù uya elepappù kon ike yawàlà.

1 Corinthians 14:37

Ànù'là Katù winàpaino itekale yenpoikanài pe tùwechi wapùla Wakù Akkwalù yesappe tùuchittusen wechi yau, tàwà nùttui sàlà tùmenukayai'nùk apyakù'nokon wechi Itepulu winàpaino imaimu yawàlà we'nàtok pe.

1 Corinthians 3:18

Eyiwalà'nokon kesennakatau. Anù'là àkklottau'nokon nai'nùk uchittu pukkeppe sàlà wolù yeselu nùkupù winà yau, tàwà “pakko pe” nenai pukkeppe tùwenatoppe.

1 Corinthians 8:2

Kappon yà'làlà ittu tùuya pe nekamayai'nùk uya ittu pùla iwechi màlà ittutok tùuya kasa.

Philippians 3:4

Màlà yekkwa pàk lànen utapulà eppaino. Ànù'là uchittu tùutapulàtok ipàkànsau yesappe tùse itentai upyau iwechi màlà.

Hebrews 2:1

Màlàpàk uchi yetasak lùppù pàk ailon te pai'nokon man sa'man pe lùiwa, iwinàpai utaman'nokon tukaik.